MT News
written by KL
မွန်ပြည်နယ် ဘီးလင်းမြို့နယ် ဝင်းပြန်ကျေးရွာတွင် နိုဝင်ဘာ ၅ ရက် နံနက်ပိုင်းက အသက်၂၀ ကျော်အရွယ် အမျိုးသားတစ်ဦး ကားပေါ်မှ ပြုတ်ကျသေဆုံးခဲ့ကြောင်း သိရသည်။
အဆိုပါအမျိုးသားမှာ အသက် ၂၅ နှစ်အရွယ်ခန့်ရှိပြီး ကော့ကရိတ်မြို့တွင် နေထိုင်သူဖြစ်ကြောင်း၊ ကားပေါ်မှ ပြုတ်ကျ သည်ကို မြင်တွေ့သူများက ဘီးလင်းမြို့ အရေးပေါ်ကယ်ဆယ်ရေးအဖွဲ့ စုစည်းအားမာန်အသင်းထံ ဆက်သွယ်ပြီး အကူ အညီတောင်းရာမှ သွားရောက်ကူညီခဲ့ခြင်းဖြစ်ကြောင်း သိရသည်။
“ကားပေါ်က ပြုတ်ကျလို့ဆိုတာပဲ သိတယ်။ ဘယ်ကားပေါ်က ပြုတ်ကျပြီး ဘယ်လိုဖြစ်လဲဆိုတာတော့ မသိရဘူး”ဟု သွား ရောက်ကူညီခဲ့သော ဘီးလင်းမြို့ အရေးပေါ်ကယ်ဆယ်ရေးအဖွဲ့ စုစည်းအားမာန်အသင်းမှ အသင်းဝင်တစ်ဦးက ပြောသည်။
ကားပေါ်မှ ပြုတ်ကျသောအမျိုးသားတွင် ဒဏ်ရာများရရှိထားသဖြင့် ဘီးလင်းမြို့နယ် ပြည်သူ့ဆေးရုံသို့ ပို့ဆောင်စဥ် သေဆုံးခဲ့ကြောင်း သိရသည်။
