၅.၁၁.၂၀၂၃
Written by KL
ရှမ်းပြည်နယ်(အရှေ့ပိုင်း)ကျိုင်းတုံမြို့နယ်တွင် ရက်ပေါင်း ၉ ရက်အတွင်း အမျိုးသား၂ ဦး ဓားခုတ်အသတ်ခံရပြီး ကျုးလွန်သူများကို နိုဝင်ဘာ ၅ရက်နေ့အထိ မမိသေးကြောင်း ဒေသခံများထံမှ သိရသည်။
အသတ်ခံရသူ နှစ်ဦးမှာ အသက် ၃၀ အရွယ်ခန့်နှင့် အသက် ၅၀ကျော် အရွယ် အမျိုးသားများဖြစ်ကြပြီး ဓားခုတ်ခံရသော ဒဏ်ရာများဖြင့်သေဆုံးနေခဲ့ခြင်း ဖြစ်သည်။
“သေဆုံးသူတွေက လယ်လုပ်သူတွေပါ။ သူတို့ဘာကြောင့်အသတ်ခံရတာလဲရယ်၊ အခုထိ ကျုးလွန်သူကိုလည်း မမိသေးပါဘူး” ဒေသခံတစ်ဦးက ဆိုသည်။
ဖြစ်စဥ်မှာ နိုဝင်ဘာ ၁ ရက်နေ့က ကျိုင်းတုံမြို့နယ်၊ မိုင်းအင်းကျေးရွာအုပ်စု၊ နားဆိုင်ကျေးရွာ လယ်ကွင်းအနီးတွင် အသက် ၅၀ ကျော်အရွယ် ဦးကျလည်ကို ဓားခုတ်ခံထားရသော ဒဏ်ရာများဖြင့် သေဆုံးနေကြောင်း သေဆုံးသူ၏ ရုပ်အလောင်းကို သွားရောက်သယ်ဆောင်ခဲ့သည့် တိုင်းနေနာရေးကူညီမှုအသင်းထံမှသိရသည်။
အလားတူ အောက်တိုဘာ ၂၄ ရက်နေ့က ကျိုင်းတုံမြို့နယ်၊ ဝမ်လင်ကျေးရွာ လယ်ကွင်းအနီးတွင် အသက် ၃၀ အရွယ် အမျိုးသား တစ်ဦး ဓားခုတ်ခံရသော ဒဏ်ရာများဖြင့် သေဆုံးခဲ့ကြောင်း သိရသည်။
