ဧရာဝတီဘဏ် အကောင့်အချင်းချင်း ယနေ့မှစ၍ တစ်ရက်လျှင် ကျပ်သိန်း ၅,၀၀၀ အထိ ငွေလွှဲနိုင်ပြီဟု အသိပေး

၁. ၁၁. ၂၀၂၃

Written by Ye Kyaw

AYA Bank ငွေစာရင်းမှ အခြား AYA Bank ငွေစာရင်းများသို့ လွှဲနိုင်သော ငွေလွှဲပမာဏကို တစ်ရက်လျှင် ကျပ်သိန်း ၅,၀၀၀ အထိ တိုးမြှင့်လိုက်ပြီဖြစ်ကြောင်း ယ‌နေ့တွင် ဧရာဝတီဘဏ်က အသိ‌ပေး ကြေညာထားသည်။

နိုဝင်ဘာ ၁ ရက်မှစတင်၍ ငွေလွှဲပမာဏ ယခင် တစ်ကြိမ်လျှင် အများဆုံးသိန်း ၂၀၀ မှ ယခု တစ်ကြိမ်လျှင် သိန်း ၁,၀၀၀ အထိလည်းကောင်း၊ ယခင် တစ်ရက်လျှင် ကျပ်သိန်း ၁,၀၀၀ ငွေလွှဲနိုင်ရာမှ ယခု တစ်ရက်လျှင် ကျပ်သိန်း ၅,၀၀၀ အထိ တိုးမြှင့်လိုက်ခြင်းဖြစ်ကြောင်း ဖော်ပြထားသည်။

ထို့ပြင် ငွေလွှဲခနှုန်းထားကိုလည်း နိုဝင်ဘာ ၁ ရက်မှ ၃၀ ရက်အထိ သိန်း ၂၀၀ နှင့်အထက်ကို ယခင်ငွေလွှဲခ ၁,၀၀၀ ကျပ်အစား ၅၀၀ ကျပ်သို့ တစ်ဝက်တိတိ လျှော့ချပေးသွားမည်ဖြစ်ကြောင်း ကြေညာထားသည်။

“MAB i banking ကတော့ တစ်ရက် သိန်း ၁,၀၀၀ လွှဲခမပေးရဘူး။ သိန်း ၁,၀၀၀ ကျော်သွားရင်တော့ မရတော့ဘူး” ဟု ဘဏ်ငွေလွှဲဆောင်ရွက်နေသူတစ်ဦးက ပြောသည်။