၃၁. ၁၀. ၂၀၂၃
Written by Thettant
ကလပ်အသင်းနဲ့ သူမတူတဲ့စွမ်းဆောင်ရည်တွေလုပ်ပြခဲ့တဲ့ ဟာလန်းရှိနေပေမဲ့လည်း မက်ဆီကိုပဲ Ballon d’Or ပေးမှာလို့ သတင်းထွက်ခဲ့တဲ့အတိုင်း ဒီမနက်ကျင်းပတဲ့ Ballon d’Or ဆုကို ကမ္ဘာ့ဖလားရခဲ့တဲ့ အင်တာမိုင်ယာမီအသင်းရဲ့ အာဂျင်တီးနားကပ္ပတိန် လီယွန်နယ်မက်ဆီကပဲ ၈ ကြိမ်မြောက် ဆွတ်ခူးသွားပါတယ်။
အကောင်းဆုံးလူငယ်ကစားသမားဆု(Kopa Trophy) ကို ရီးရဲမက်ဒရစ်အသင်းက အင်္ဂလန်ကွင်းလယ်ကစားသမား ဘယ်လင်ဟမ်၊ ရီးရဲကပဲ ဘရာဇီးသား ဗင်နီစီးယပ်စ်ဂျုနီယာဟာ Socrates Award(လူသားအကျိုးပြုကြိုးပမ်းဆု) နဲ့ အကောင်းဆုံးဂိုးသမားဆု Yashin Trophy ကိုတော့ မက်ဆီရဲ့အာဂျင်တီးနားကစားဖော် အက်စတွန်ဗီလာဂိုးသမား မာတီနက်ဇ် ရရှိခဲ့ပါတယ်။
အကောင်းဆုံးအမျိုးသမီးကလပ်အသင်းဆုကို ဘာစီလိုနာအမျိုးသမီးအသင်း၊ အကောင်းဆုံးအမျိုးသမီးကစားသမားဆုကို ဘာစီလိုနာအသင်းက စပိန်ကွင်းလယ်ကစားသမား ဘွန်မာတီ၊ အကောင်းဆုံးကလပ်အသင်းဆုကို မန်စီးတီးအသင်းနဲ့ နာမည်ကြီးထမင်းငတ် နော်ဝေနဲ့ မန်စီးတီးရဲ့ တိုက်စစ်မှူး အာလင်ဟာလန်းကတော့ အကောင်းဆုံးတိုက်စစ်မှူးဆု Gerd Muller နဲ့ပဲ သူ့ရဲ့အကောင်းဆုံးနှစ်အတွက် နှစ်သိမ်ခံခဲ့ရပါတယ်။
မက်ဆီဟာ ၈ ကြိမ်မြောက် Ballon d’Or ရသွားခဲ့သလို အဆင့်လိုက်ရပ်တည်မှုမှာတော့ ဟာလန်းကို မပေးလို့ နှစ်သိမ့်သလားထင်မှတ်မှားရအောင် ချန်ပီယံလိဂ်ရခဲ့တဲ့ မန်စီးတီးကစားသမား ၅ ဦးဟာ ထိပ်ဆုံး ၁၀ ယောက်ထဲရှိနေခဲ့ပြီး ဟာလန်းက အဆင့် ၂၊ ဘာပေက အဆင့် ၃၊ ဒီဘရိုင်းက အဆင့် ၄၊ ရိုဒရီက အဆင့် ၅၊ ဗင်နီစီးယပ်စ်က အဆင့် ၆၊ အယ်ဗာရက်စ်က အဆင့် ၇၊ အိုစီမန်က အဆင့် ၈၊ ဘာနာဒိုဆေးဗားလ်က အဆင့် ၉ နဲ့၊ အဆင့် ၁၀ ကတော့ လူကာမိုဒရစ်ဖြစ်ပြီး Ballon d’Or ငါးဆုရှင် ရော်နယ်လ်ဒိုကတော့ ထိပ်ဆုံး ၃၀ မှာတောင် မရပ်တည်နိုင်ခဲ့ပါဘူး။
Photo- France Football
