၃၀. ၁၀. ၂၀၂၃
Written By Treasure
လက်ရှိကျင်းပနေတဲ့ ၂၀၂၃-၂၄ ဆော်ဒီပရိုလိဂ်ရဲ့ ဂိုးသွင်းအများဆုံးအဖြစ် အယ်လ်နာဆာအသင်းမှာ ခြေစွမ်းပြကစားနေတဲ့ ပေါ်တူဂီတိုက်စစ်မှူး ရော်နယ်ဒိုက ရပ်တည်နေပါတယ်။
အခုနှစ်ရာသီမှာ အင်္ဂလန်ကလပ် မန်ချက်စတာယူနိုက်တက်အသင်းကနေ ဆော်ဒီပရိုကလပ် အယ်လ်နာဆာအသင်းကို ပြောင်းရွေ့လာခဲ့တဲ့ ကမ္ဘာကျော်တိုက်စစ်မှူးရော်နယ်ဒိုဟာ ဆော်ဒီပရိုလိဂ် ပွဲစဉ် (၁၁) ပြီးဆုံးတဲ့အချိန်ထိ သွင်းဂိုး ၁၁ ဂိုးနဲ့ ဂိုးသွင်းအများဆုံး ကစားသမားအဖြစ်ရပ်တည်နေပါတယ်။ ဒုတိယသွင်းဂိုးအများဆုံးကစားသမားအဖြစ် အယ်လ်ဟီလယ်အသင်းရဲ့ ဆားဘီးယားတိုက်စစ်မှူး အဲလက်ဇဒန်း မီထရိုဗစ်နဲ့ အယ်လ်နာဆာအသင်းက ဘရာဇီးတိုက်စစ်မှူး တလီစကာက သွင်းဂိုး ၈ ဂိုးနဲ့ ရပ်တည်နေပါတယ်။
ဆော်ဒီပရိုလိဂ် ဂိုးများဆုံးသွင်းယူထားတဲ့ စာရင်းထဲမှာ ပြင်သစ်တိုက်စစ်မှူး ဒမ်ဘီလီက ၇ ဂိုး၊ ကင်မရွန်းတိုက်စစ်မှူး မာနေးက ၆ ဂိုးအထိ သွင်းယူထားခဲ့ပေမယ့် ကမ္ဘာကျော်တိုက်စစ်မှူးဖြစ်တဲ့ ဘန်ဇီးမားနဲ့ နေမာတို့ကတော့ အခုစာရင်းထဲမှာ ပါဝင်လာခြင်းတော့ မရှိပါဘူး။
