၂၄. ၁၀. ၂၀၂၃
Written by Min Mahar
နေအိမ်တွင် တစ်ဦးတည်းရှိနေသော အမျိုးသားကြီးတစ်ဦးအား PDF လေးဦးက ဝင်ရောက်သ တ်ဖြ တ်သွားသည့်အပြင် ရွှေထည်ပစ္စည်းများနှင့် ကျပ်သိန်း ၂၀ ခန့်ပါယူဆောင်သွားမှု ငါန်းဇွန်မြို့နယ်တွင် အောက်တိုဘာ ၂၁ ရက် မနက်ပိုင်းက ဖြစ်ပွားခဲ့ကြောင်း ဒေသခံများထံမှ သိရသည်။
ဖြစ်စဉ်မှာ အောက်တိုဘာ ၂၁ ရက် မနက် ၉ နာရီခန့်ကမန္တလေးတိုင်းဒေသကြီး၊ ငါန်းဇွန်မြို့နယ်၊ သားကျင်ကျေးရွာအုပ်စု၊ ညောင်ပင်ရိုးကျေးရွာတွင်နေထိုင်သော အသက် ၆၂ နှစ်အရွယ်အမျိုးသားကြီးသည် နေအိမ်၌ တစ်ဦးတည်းရှိနေစဉ် ဆိုင်ကယ် ၄ စီးဖြင့် PDF အဖွဲ့မှ လူငယ် ၄ ဦးရောက်ရှိလာပြီး ဦးခေါင်းကို သေနတ်ဖြင့် ပစ်သ တ်သွားသည့်အပြင် နေအိမ်အတွင်းမှတစ်မတ်သားခန့်ရှိ အုတ်ခဲပုံရွှေလက်စွပ် ၁ ကွင်း (ကာလတန်ဖိုး ၈ သိန်းကျပ်ခန့်)၊ တစ်မတ်သားခန့်ရှိကျောက်စီထားသည့်ရွှေလက်စွပ် ၁ ကွင်း(ကာလတန်ဖိုး ၈ သိန်း ကျပ်ခန့်)၊ ငါးမူးသားခန့်ရှိ သံကွင်းဆက်အမျိုးအစားရွှေဆွဲကြိုး ၁ ကုံး(ကာလတန်ဖိုး ၁၆ သိန်းခန့်) နှင့် ငွေစက္ကူရောရာသိန်း ၂၀ ကျပ်ခန့်၊ စုစုပေါင်း ကာလ တန်ဖိုးငွေ ၅၂ သိန်းကျပ်ခန့်တို့အား ယူဆောင်ကာ ကျေးရွာ၏အနောက်ဘက်သို့ ထွက်ပြေးသွားခဲ့ကြောင်း သိရသည်။
သ တ် ဖြ တ် လုယက်ခံရသူ အဆိုပါအမျိုးသားကြီးသည် ဦးခေါင်းပွင့်ထွက်ဒဏ်ရာတစ်ချက်ဖြင့် သေဆုံးသွား၍ ပစ်ခတ်လုယက်သွားသူများကို သက်ဆိုင်ရာနယ်မြေရဲစခန်းမှ အမှုဖွင့်အရေးယူထားကာ တရားခံများကို လိုက်လံရှာဖွေစုံစမ်းနေကြောင်းလည်း ရဲတပ်ဖွဲ့နှင့်နီးစပ်သူများထံမှ သိရသည်။
