MT News
အမေရိကန်ပြည်ထောင်စု တက္ကဆက်ပြည်နယ်မှာရှိတဲ့ Dallas Executive လေဆိပ်မှာ လေယာဥ်နှစ်စီးတိုက်မိပြီး ခြောက်ဦးသေဆုံးမှုဖြစ်ပွားခဲ့တယ်လို့ ကနဦးသတင်းတွေက ဆိုပါတယ်။
အမေရိကန်ပြည်ထောင်စုရဲ့ နိုဝင်ဘာ ၁၁ ရက်မှာ ကျရောက်တဲ့ Veterans Day အတွက် စနေနေ့ကကျင်းပတဲ့ Wings Over Dallas လေကြောင်းပြပွဲဖြစ်စဥ်မှာ ဒီဖြစ်စဥ်ဖြစ်ခဲ့တာဖြစ်ပြီး ဒုတိယကမ္ဘာစစ်အတွင်း အသုံးပြုခဲ့တဲ့ လေယာဥ်နှစ်စီးဟာ မြေပြင်ကနေ သိပ်မဝေးကွာသေးတဲ့ လေထုထဲမှာ မွန်းလွဲ ၁ နာရီ မိနစ် ၂၀ ခန့်မှာ တိုက်မိခဲ့တာဖြစ်ပြီး တိုက်မိတဲ့ လေယာဥ်နှစ်စီးဟာ စက္ကန့်ပိုင်းအတွင်း မြေပြင်မှာ မီးလောင်ပေါက်ကွဲသွားတာကို တွေ့ခဲ့ရပါတယ်။
ဖြစ်စဥ်ကို တွေ့မြင်ရတာကတော့ Boering B-17 က ရှေ့ကပျံသန်းနေစဥ်မှာ Bell P 63 King Corbra တိုက်လေယာဥ်က နောက်ကဝင်တိုက်ခဲ့တာဖြစ်ပြီး သေဆုံးသွားသူတွေထဲမှာ အဖွဲ့ဝင်တွေဖြစ်တဲ့ Tarry Barker နဲ့ Len Root တို့ပါဝင်တယ်လို့ မဟာမိတ်လေယာဥ်မှုးများအသင်းက ပြောပါတယ်။
လက်ရှိမှာတော့ လေယာဥ်ပျက်ကျမှုဖြစ်စဥ်ကို စုံစမ်းစစ်ဆေးမှုတွေပြုလုပ်နေပြီး Dallas လေဆိပ်ကိုတော့ ယာယီပိတ်ထားဆဲဖြစ်ပါတယ်။
Ref, Fox News
