၂၂. ၁၀. ၂၀၂၃
Written By Thandar
Forever Group က အနုပညာရှင်များစွာနဲ့အတူ ကျင်းပခဲ့တဲ့ Forever Festival 2023 Day 3 ကို အောက်တိုဘာ ၂၂ရက်က ရန်ကုန်မြို့ရှိ Timecity Jewellery Mall Indoor Promotion Area မှာ ကျင်းပခဲ့ပါတယ်။
ဒီအခမ်းအနားမှာ ၂၀၁၉ ခုနှစ်ထဲ ရိုက်ကူးခဲ့တဲ့ “ရေနံသာခင်ခင်ကြီး” ဇာတ်လမ်းတွဲ မိတ်ဆက်ခဲ့ပြီး သရုပ်ဆောင် ၊ အဆိုတော် ဝေလာရီ၊ ကောင်းဇံဟိန်း၊ ဟန်ထူးစျာန်၊ သုတအောင်၊ စောမင်းယျာ၊ ဆု၀တီ၊ ဇွန်ဝေယံ၊ Lucas နဲ့ အတူ အနုပညာရှင်များစွာ တက်ရောက်ခဲ့ကြပါတယ်။ တက်ရောက်လာတဲ့ အနုပညာရှင်တွေက ပရိသတ်တွေကို ဇာတ်ဝင်တေးသီချင်းတွေနဲ့ သီဆိုဖျော်ဖြေခဲ့ကြပါတယ်။
“မကြာခင်ထုတ်လွှင့်မဲ့ “ရေနံ့သာ ခင်ခင်ကြီး” ရုပ်သံဇာတ်လမ်းတွဲ အထူးမိတ်ဆက်ပွဲလေးကိုပါ လုပ်ခဲ့ပါတယ်။ ဒီဇာတ်လမ်းတွဲထဲမှာ ဝေလာက “ရေနံ့သာ ခင်ခင်ကြီး” နေရာက သရုပ်ဆောင်ခဲ့တာပါ။ ဒီကားက ဝေလာ့အတွက် တကယ့်ကို အမှတ်တရဖြစ်စေခဲ့တာပါ။ နှစ်တွေအများကြီး ဒီဇာတ်ကောင်ကာရိုက်တာကို သွင်းခဲ့တာပါ။ စိတ်ရော လူရောတော်တော်ပင်ပန်းခဲ့ရတယ်။ နေ့တိုင်းလည်း ဝေလာ ငိုခဲ့ရတယ်။ ဇာတ်ကောင်နေရာကို ဝေလာကြိုးစားထားပါတယ်။ဝေလာ က ရေနံ့သာခင်ခင်ကြီး ဖြစ် မဖြစ်ဆိုတာကို ပရိသတ်တွေက ဝေဖန်ထောက်ပြပေးပါလို့ ပြောချင်ပါတယ်”လို့ ဝေလာရီက ပြောပါတယ်။
Teen Radio ၊ Mandalay FM & Teen Radio အစီအစဉ်တွေနဲ့အတူ Forever Group က ထုတ်လွှင့်ပြသမယ့် ဇာတ်ကားတွေကိုလည်းမိတ်ဆက်ခဲ့ပြီး ပရိသတ်တွေနဲ့ ဓာတ်ပုံ ရိုက်ကူးမှုတွေ ဂိမ်းဆော့ကစားတာတွေလည်း ပြုလုပ်ခဲ့ကြပါတယ်။
“နာမည်ကြီး ဝတ္ထုကို ပြန်လည် ရိုက်ကူးတဲ့အခါ ကိုယ့်ရဲ့ စိတ်ဆန္ဒအရ ပုံဖော်ထားကြတဲ့ ကာရိုက်တာတွေ ရှိကြတယ်။ ကိုယ့်စိတ်ထဲမှာ မှန်းထားတဲ့ ကာရိုက်တာနဲ့ ဟန်ထူးဈာန်နဲ့ လိုက်ချင်မှ လိုက်မှာပါ။ ဒါလေးကိုလည်း နားလည်ပေးပြီ ကြည့်ရှုပေးကြပါလို့ ပြောချင်တယ်”လို့ ဟန်ထူးဈာန်က ပြောပါတယ်။
