၁၁. ၁၀. ၂၀၂၃
Written By Thandar
ပရဟိတမင်းသား အကယ်ဒမီ ဝေဠုကျော်နဲ့ ဇနီးဖြစ်သူ ရေကြည်ချမ်းမြတို့ကတော့ ပဲခူးမြို့ ရေကြီးရေလျှံမှုအတွက် စားသောက်ကုန်နဲ့ အသက်ကယ်အင်္ကျီတွေကို ကိုယ်တိုင်သွားရောက် လှူဒါန်းခဲ့ပါတယ်။
“ရေကြည်က ရေကြောက်ပေမဲ့ ရင်ထဲမှာရှိတဲ့ မေတ္တာတရားတွေကြောင့် အပြေးအလွှားလေးရောက်ခဲ့ပါပြီရှင့်။ ရေကြည်တို့ ပဲခူးရေဘေးနဲ့ပတ်သက်ပြီး စိတ်မကောင်းလည်း တော်တော်လေးဖြစ်မိပါတယ်။ အမြန်ဆုံးအဆင်ပြေကြပါစေလို့ပဲ ဆုတောင်းနေပါတယ်။ တကယ် လိုအပ်နေတဲ့နေရာ စားသောက်ကုန်နဲ့ သက်ကယ်အင်္ကျီတွေ ကလျာဏမိတ္တအသင်းကိုလှူလိုက်တာပါ”လို့ အကယ်ဒမီ ဝေဠုကျော်ရဲ့ ဇနီးဖြစ်သူ ရေကြည်ချမ်းမြက MTNews Entertainment ကို ပြောပါတယ်။
သူတို့ဟာ ပဲခူးရေဘေး ကူညီလှူပေးမှုအနေနဲ့ ကလျာဏမိတ္တအသင်းကို ဆန်၊ အဝတ်အထည်အသစ်၊ မုန့်၊ အခြောက်အခြမ်းစားစရာ အများအပြား အပြင် Life Jacket တွေကိုလည်း အောက်တိုဘာ ၁၀ ရက်နေ့က ကိုယ်တိုင်သွားရောက် ကူညီလှူဒါန်းပေးခဲ့ပါတယ်။
