၉. ၁၀. ၂၀၂၃
written by Htwe Ko Tun
၂၀၂၄ ခုနှစ်တွင်ကျင်းပမည့် AFC အာရှဖူဆယ်ဖလားပြိုင်ပွဲ ၏ ခြေစစ်ပွဲများကိုကျင်းပလျက်ရှိရာတွင် အုပ်စု E ၌ မြန်မာ အမျိုးသားဖူဆယ်အသင်းက အိန္ဒိယအမျိုးသားဖူဆယ်အသင်းကို အောက်တိုဘာလ ၉ ရက်တွင် ငါးဂိုး-နှစ်ဂိုးဖြင့်အနိုင်ရခဲ့သည်။
အုပ်စု E တွင် မြန်မာက နှစ်ပွဲနိုင်ကာ အိမ်ရှင် တာဂျစ်ကစ္စတန်နှင့် တစ်ပွဲကစားရန်ကျန်သော်လည်း ခြေစစ်ပွဲ အောင်မြင်ရန်သေချာသွားပြီဖြစ်သည်။
မြန်မာက တာဂျစ်ကစ္စတန်နှင့် အောက်တိုဘာလ ၁၁ ရက်တွင် ကစားမည့်ပွဲက အုပ်စု ပထမ၊ ဒုတိယနေရာကို အဆုံးအဖြတ်ပေးမည်ဖြစ်သည်။
၂၀၂၄ ခုနှစ် AFC အာရှဖူဆယ်ဖလားပြိုင်ပွဲကို ထိုင်းနိုင်ငံတွင် ကျင်းပသွားမည်ဟု သိရသည်။
