၇. ၁၀. ၂၀၂၃
Written By Thandar
ရုပ်ရှင် ဇာတ်ပို့၊ ဇာတ်ရံ သရုပ်ဆောင် စိုးတင့်ဟာ အသက် ၅၉ နှစ်အရွယ် ဒီနေ့မှာ ၉၆ ပါးရောဂါနဲ့ ကွယ်လွန်ခဲ့တယ်လို့ အကယ်ဒမီ ဦးအောင်ခိုင် (ကိုလူချောအဖွဲ့ဥက္ကဋ္ဌ) က MTNews Entertainment ကို ပြောပါတယ်။
“သူ ကျန်းမာရေးမကောင်းတာ တော်တော်လေးကို ကြာနေပါပြီ။ သား သမီးလေးတချို့လည်း အရွယ်လေးတွေ ရောက်နေကြပါပြီ။ ဦးအောင်ခိုင်တို့ရဲ့ လုပ်ဖော်ကိုင်ဘက် အဖွဲ့ပါ။ နှစ်ပေါင်းများစွာ ဖိုက်တင်တွေ ရိုက်ခဲ့ကြတယ်။ အနုပညာအလုပ်တွေကို များစွာလုပ်ကိုင်ခဲ့ကြတယ်။ ဦးအောင်ခိုင်တို့ဆီမှာ အတွင်းရေးမှူးလုပ်ခဲ့တယ်လေ။ ကူညီထောက်ပံ့ပေးခဲ့တာလည်း ကြာပါပြီ။ အချိန်တန်တော့လည်း သွားတာပဲပေါ့။ မိသားစုနဲ့ ထပ်တူ ကြေကွဲဝမ်းနည်းရပါတယ်”လို့ အကယ်ဒမီ ဦးအောင်ခိုင် (ကိုလူချောအဖွဲ့ဥက္ကဋ္ဌ) က MTNews Entertainment ကို ပြောပါတယ်။
သူ့ဟာ ယခင် ကိုလူချောအဖွဲ့ရဲ့ (ကိုလူချောအဖွဲ့အတွင်းရေးမူး)အနေနဲ့ တာဝန်ယူခဲ့သူတစ်ဦးလည်းဖြစ်ပါတယ်။ သရုပ်ဆောင် ကိုစိုးတင့်ဟာ မြောက်ဒဂုံမြို့နယ်မှာ နေထိုင်ပြီး ယနေ့ အောက်တိုဘာ ၇ ရက် နံနက် ၇ နာရီ ၃၈ မိနစ်အချိန်က ၉၆ ပါးရောဂါနဲ့ကွယ်လွန်သွားခဲ့တာဖြစ်ပါတယ်။
လာမယ့် အောက်တိုဘာ ၉ ရက်နေ့မှာ ရန် ကုန်မြို့ မြောက်ဥက္ကလာပမြို့နယ်ရှိ ရေဝေးသုဿာန်မှာ မီးသင်္ဂြိုဟ်သွားမယ်လို့ သိရပါတယ်။
