ဓာတ်ပုံ - ရွှေညောင်ပင်လူမှုကူညီရေးအသင်း
၃.၁၀.၂၀၂၃
written by KL
ကယားပြည်နယ်၊ လွိုင်ကော်မြို့ရှိ လွိုင်ကော်ဟိုတယ်ဝန်းထဲတွင် ထရန်စဖော်မာပေါ်မှ ဓာတ်ကြိုးကိုဖြတ်ခိုးသူ ဓာတ်လိုက်သေဆုံးခဲ့သဖြင့် ယနေ့နံနက်ပိုင်းတွင် မြေမြှုပ်သင်္ဂြိုလ်လိုက်ကြောင်း ဒေသခံလူမှုရေးအသင်းအဖွဲ့ထံမှ သိရသည်။
အောက်တိုဘာ၂ ရက် နံနက်ပိုင်းက လွိုင်ကော်ဟိုတယ်ဝင်းထဲမှ ထရန်စဖော်မာပုံးပေါ်ရှိ ဓာတ်ကြိုးကို အသက် ၂၀ ကျော် လူငယ်တစ်ဦးက ဖြတ်ခိုးယူရမှာ ဓာတ်လိုက်ခဲ့ပြီး ခန္ဓာကိုယ်အနှံ့တွင် မီးလောင်ညိုမဲဒဏ်ရာများစွာဖြင့် သေဆုံးခဲ့ခြင်း ဖြစ်သည်။
သေဆုံးသူ၏ ရုပ်အလောင်းကို လွိုင်ကော်ပြည်သူ့ဆေးရုံသို့ ပို့ဆောင်ခဲ့ပြီး ယနေ့နံနက် ၁၀ နာရီတွင် လေးမိုင်သုဿန်၌ မြေမြှုပ်သင်္ဂြိုလ်လိုက်ကြောင်း ဒေသခံလူမှုကူညီရေးအသင်းထံမှ သိရသည်။
ဓာတ်ကြိုးခိုး၍ ဓာတ်လိုက်သေဆုံးမှုများမှာ စက်တင်ဘာလအတွင်း ကချင်ပြည်နယ် ဖားကန့်မြို့ ဆိပ်မူရပ်ကွက်တွင် ၁ ကြိမ်၊ မန္တလေးတိုင်းဒေသကြီး ချမ်းမြသာစည်မြို့နယ်တွင် ၁ ကြိမ်၊ မွန်ပြည်နယ် သံဖြူဇရပ်မြို့တွင် ၁ ကြိမ် စုစုပေါင််း ၃ ကြိမ်ဖြစ်ပွားခဲ့ရာ အမျိုးသား ၃ ဦးသေဆုံးပြီး ၁ ဦး ဒဏ်ရာရရှိခဲ့သည်။
ဓာတ်ပုံ – ရွှေညောင်ပင်လူမှုကူညီရေးအသင်း
