MT News
Written By Thandar
Singapore နိုင်ငံရဲ့ အာရှအနုပညာဖန်တီးမှုအကယ်ဒမီဆုချီးမြှင့်တဲ့ Asian Academy Creative Awards ရဲ့ Best Actor/Actress in Leading Role – National Winner မှာ “တမြေ့မြေ့မိုး” ဇာတ်လမ်းတွဲနဲ့ အေးချမ်းမောင်၊ ပန်းရောင်ခြယ်တို့က ဆန်ကာတင် အရွေးချယ်ခံရပါတယ်။
“Asian Academy Creative Awards မှာ အကောင်းဆုံး အမျိုးသမီးဇာတ်ဆောင်ဆုအတွက် ဒုတိယအကြိမ် Nomination ကို တမြေ့မြေ့မိုးနဲ့ ဝင်သွားပါတယ်။ Grand Prize ကို မမှန်းပါဘူး။ ကိုယ်ငယ်ငယ်ထဲက ကိုရီးယားမင်းသမီးတွေထဲမှာ ထိပ်ဆုံးအားကျပြီးချစ်ရတဲ့ Song Hye Kyo လေးနဲ့အတူ Nomination ပါခွင့်ရပြီး The Glory ဇတ်ကားထဲမှာလည်း သူ ရက်စက်တော်တဲ့အတွက် အွန်စောလေး မဟုတ်ရင် တစ်ယောက်ယောက် ရပါလိမ့်မယ် “လို့ အဆိုတော်သရုပ်ဆောင် ပန်းရောင်ခြယ်က ပြောပါတယ်။
Mahar ရဲ့ Original Series တစ်ခုဖြစ်တဲ့ “တမြေ့မြေ့မိုး” ဇာတ်လမ်းတွဲမှ Best Actor in Leading in A Leading Role အနေနဲ့ အေးချမ်းမောင် ၊ Best Actress in A Leading Role အနေနဲ့ ပန်းရောင်ခြယ်တို့က ဆန်ကာတင်စာရင်းတွေပါဝင်ခဲ့သလို Best Direction (Non-Fiction) ကိုလည်း “ရန်ကုန်ညများ” ကိုရိုက်ကူးပုံဖော်ထားတဲ့ ဒါရိုက်တာ Sai Nyan Linn Set က ဆန်ကာတင် အရွေးချယ်ခံရတယ်လို့ သိရပါတယ်။
Asian Academy Creative Awards ရဲ့ Grand Final ကိုတော့ လာမယ့် ၂၀၂၃ ခုနှစ် ဒီဇင်ဘာ ၇ ရက်မှာ ကျင်းပသွားမှာဖြစ်တယ်လို့လည်း သိရပါတယ်။
“တမြေ့မြေ့မိုး အဖွဲ့သားယောက်စီတိုင်းကို ကျေးဇူးအထူးတင်ပါတယ်။ ဒီ Category ထဲမှာ မြန်မာနိုင်ငံကိုယ်စားပြု National Winner ဖြစ်ခွင့်ရတဲ့အတွက်လည်း ဝမ်းသာပါတယ်ရှင့်။ ပန်းရောင်ကို ချစ်ပေးကြသူ တစ်ယောက်ချင်းစီတိုင်း ကျေးဇူးတင်ပါတယ်”လို့ သူမကဆက်ပြောပါတယ်။
၂၀၂၀ တုန်းက “Asia Academy Creative Awards ဆုပေးပွဲမှာ ပန်းရောင်ခြယ်က “လိပ်ပြာ” ဇာတ်လမ်းတွဲနဲ့ Best Actress in A Leading Role အကောင်းဆုံး အမျိုးသမီးဇာတ်ဆောင်ဆု National Winner အဖြစ် ရွေးချယ်ခံထားရသူလည်းဖြစ်ပါတယ်။
