MT News
Written By Thandar
အဆိုတော်ဟိဏ်းသစ်ရဲ့ “ခဏ” EP Album သီချင်းထွက်ရှိမှုနဲ့ ထိမိဂွိ By ဟိဏ်းသစ် စားသောက်ကုန် ၂ နှစ်ပြည့် စာနယ်ဇင်းမိတ်ဆက်ပွဲကို စက်တင်ဘာ ၂၂ ရက် မွန်းလွဲပိုင်းက ရန်ကုန်မြို့ စမ်းချောင်းမြို့နယ်ရှိ Sika Lounge & Restaurant Red Hill Tower မှာ ကျင်းပခဲ့ပါတယ်။
ဒီအခမ်းအနားကို တေးရေး တေးဆို သားသား၊ အဆိုတော် မိစန္ဒီ၊ တေးရေးငြိမ်းချမ်းကို၊ အဆိုတော် ခေမာ စတဲ့သူတွေ တက်ရောက်ပေးခဲ့ကြပါတယ်။
“လက်ရှိ ကျွန်တော့်ရဲ့ ထိမိဂွိ Brand က လာမယ့် နိုဝင်ဘာမှာဆိုရင် ၂ နှစ်ပြည့်မှာဖြစ်ပါတယ်။ ပထမ တစ်နှစ်ပြည့်တုန်းက မန္တလေးမှာ စတုဒီသာအလှူအနေနဲ့ကျင်းပခဲ့ပါတယ်။ အခု နှစ်နှစ်ပြည့်မှာလည်း Product အသစ်ထပ်မိတ်ဆက်ရင်း ပရိသတ်တွေနဲ့အတူ အလှူလေးလုပ်ဖို့ရှိပါတယ်။ ချစ်ရတဲ့ ရုပ်ရှင်အနုပညာရှင် အကယ်ဒမီ မင်းသမီးတစ်ဦးက ကျွန်တော့်ရဲ့ ထိမိဂွိ Brand ကိုကြော်ငြာရယ် Presenter အနေနဲ့ ရပ်တည်ပေးမှာဖြစ်ပါတယ်။ အဲ့ဒီမင်းသမီးက ဘယ်သူဖြစ်မလဲဆိုတာ အောက်တိုဘာ ၁ ရက်နေ့မှာ ကြေညာမှာပါ။ ဆုလက်ဆောင်တွေ ပေးအပ်မယ်”လို့ ဟိဏ်းသစ်က ဆက်ပြောပါတယ်။
ထိမိဂွိ ၂ နှစ်ပြည့်အနေနဲ့ ပြည်သူချစ်မင်းသမီး ဘယ်သူနဲ့ တွဲဖက်အလုပ်လုပ်မယ်ဆိုတာကို ပဟေဠိပြုလုပ်ထားတယ်လို့ ဆိုပါတယ်။ မင်းသမီးဘယ်သူနဲ့ ကြော်ငြာမလဲဆိုတာ ထိမိဂွိ Page အောက်မှာ အဖြေမှန် Comment ပေးနိုင်သူကို ဟိဏ်းသစ် ထွက်ရှိထားတဲ့ Product ၈ မျိုး လက်ဆောင်ပေးအပ်မှာဖြစ်တယ်လို့ ဆိုပါတယ်။
