၁၈.၉.၂၀၂၃
Written By Thandar
အနုပညာနဲ့ပတ်သက်ရင် သရုပ်ဆောင်ပိုင်းရော အဆိုပိုင်းမှာပါ လုပ်ဆောင်နေတဲ့ နန်းဆုရတီစိုးရဲ့ ဒီနေ့ ကျရောက်တဲ့ မွေးနေ့ပွဲကို Birthday and Her Big Surprise အနေနဲ့ ရန်ကုန်မြို့ Lotte Hotel မှာ အနုပညာမောင်နှမတွေနဲ့အတူ စည်ကားသိုက်မြိုက်စွာ ကျင်းပခဲ့ပါတယ်။
သူမရဲ့မွေးနေ့ Big Surprise ကလည်း သူမကိုယ်တိုင်ပါတနာအနေနဲ့ပါဝင်ပြီး ထုတ်လုပ်ထားတဲ့ “Vite’ Colla”ကို မိတ်ဆက်ခဲ့တာလည်း ဖြစ်ပါတယ်။
“နန်းဆုရဲ့ Big Surprise ဆိုပြီး ပြောတော့ နန်းဆုက သူ့ရဲ့လက်တွဲဖော်ချပြမယ် ထင်ကြတာလေ။ အဲ့ဒီလို Idea နဲ့ ဆရာကိုဂျွန်လွင်က “Vite’ Colla” Collegen ကို ဂျပန်နိုင်ငံကတင်သွင်းတဲ့ ငါးအကြီး သစ်သီးသစ်ဖုတွေနဲ့ ကိုယ်တိုင် သေချာသုံးစွဲပြီးမှ ထုတ်ဖြစ်တာပါ။လွန်ခဲ့တဲ့တစ်နှစ်ကျော် အချိန်ပေးစီစဉ် နန်းဆုကိုယ်တိုင် စမ်းသောက်ပြီးမှ သဘာဝအသီးတွေနဲ့ ဖော်စပ်ထားတယ်။ All in One Product လေးပါ”လို့ သရုပ်ဆောင် နန်းဆုရတီစိုးက ပြောပါတယ်။
မွေးနေ့ပွဲကို အနုပညာရှင်တွေဖြစ်တဲ့ သားစိုး၊ အလင်းရောင် ၊ လွှမ်းပိုင် ၊ မိုးအောင်ရင် ၊ စိုင်းစည်တွမ်ခမ်း ၊ ဟိဏ်းသစ် ၊ နေဗလု ၊ တေဇလင်းရောင် ၊ ထပ်ဆင့်အကယ်ဒမီ ဖွေးဖွေး ၊ အကယ်ဒမီ ချောရတနာ ၊ အဆိုတော် ပိုပို ၊ နန်းခင်ဇေယျာ ၊ ခင်သဇင် ၊ လမင်းကဗျာ ၊ မျိုးမျိုးခိုင် စတဲ့သူတွေ တက်ရောက်ခဲ့ပါတယ်။
