၁၁.၉.၂၀၂၃
Written By Thandar
အသံစွဲအားကောင်းကောင်း တေးသီချင်းအသံချိုချိုလေးတွေကြောင့် ပရိသတ်ချစ်ခင်အားပေးမှုကိုရရှိခဲ့တဲ့ အဆိုတော် အက်စတာဒေါ့သ်ချင်းဆုန်ကတော့ နေ့စေ့လစေ့ကိုယ်ဝန်လေးနဲ့ မိခင်လောင်းဖြစ်တော့မှာ ဖြစ်ပါတယ်။
“လောကမှာ အမွန်မြတ်ဆုံးမိခင်ဖြစ်လာဖို့ ကောင်းချီးပေးတဲ့ ဘုရားသခင်ဂုဏ်တော်ချီးမွမ်းပါတယ်”လို့ အဆိုတော် အက်စတာက ပရိသတ်သိအောင်ပြောလာပါတယ်။
အက်စတာဒေါ့သ်ချင်းဆုန်က မကြာခင်မှာ မီးဖွားဖို့ နီးကပ်လာပြီးပဲဖြစ်ပါတယ်။ သူမက ၂၀၂၃ ခုနှစ် လွတ်လပ်ရေးနေ့ ဇန်နဝါရီလ ၄ ရက် ညနေ ၄ နာရီက ရန်ကုန်မြို Lotte Hotel မှာ ချစ်သူနဲ့ ဖြစ်တဲ့ Bawi Tha Thawng နဲ့ ရွှေလက်တွဲခဲ့ကြတာလည်း ဖြစ်ပါတယ်။
သူမဟယ Myanmar Idol Season 3 ပြိုင်ပွဲမှာ မိန်းကလေး Winner ဆု ရရှိထားသူလည်း ဖြစ်ပြီး ဂီတလမ်းကြောင်းပေါ် လျှောက်လှမ်းနေသူလည်း ဖြစ်ပါတယ်။ သူမရဲ့ Unseen Single Song သီချင်းနဲ့ JOOX က ချီးမြှင့်တဲ့ 2020 Popular Song Award ရွှေဆုရရှိထားသူလည်း ဖြစ်ပါတယ်။
အက်စတာဒေါ့သ်ချင်းဆုန်ကအိမ်ထောင်ကျပြီးနောက် အနုပညာလှုပ်ရှားမှုတွေကို ခေတ္တ ရပ်ဆိုင်းထားတာလည်း ဖြစ်ပါတယ်။
