MT News
Written by Nay Moe
တန်ဆောင်မုန်းလပြည့်နေ့တွင် Party များ ကျင်းပခြင်း၊ Night Club များ ဖွင့်လှစ်ခြင်း ပြုလုပ်ပါက ဒဏ်ခတ်အရေးယူမည်ဟု ရန်ကုန်တွင် ဗုံးခွဲနေသော UG နှစ်ဖွဲ့က အသိပေးချက် ထုတ်ထားသည်။
အဆိုပါ အသိပေးချက်ကို Brave Eagles နှင့် Dark Shadow အဖွဲ့နှစ်ခုတို့က နိုဝင်ဘာ ၆ ရက် ရက်စွဲဖြင့် ထုတ်ပြန်ခဲ့ခြင်းဖြစ်သည်။
Brave Eagles နှင့် Dark Shadow နှစ်ဖွဲ့သည် မြို့ပြဖောက်ခွဲမှုများကို ဆက်တိုက်လုပ်ဆောင်နေပြီး နိုဝင်ဘာ ၄ ရက်ကလည်း ဦးချစ်မောင်လမ်းရှိ AGD ဘဏ်အား အဝေးထိန်းဗုံး ၂ လုံးဖြင့် ပစ်ခတ်တိုက်ခိုက်ခဲ့သော ရန်ကုန် UG နှစ်ဖွဲ့ဖြစ်သည်။
ထို့ပြင် ကြည့်မြင်တိုင်မြို့နယ် တရားရုံးအား အောက်တိုဘာ ၁၅ ရက်က ဗုံးခွဲခြင်းကို နှစ်ဖွဲ့ပေါင်း ပြုလုပ်ခဲ့သကဲ့သို့ ပြည်သူများထိခိုက်စေခဲ့သည့် စက်တင်ဘာ ၂၈ ရက်က အလုံမြို့နယ် စောရန်ပိုင်(အရှေ့)ရပ်ကွက် အုပ်ချုပ်ရေးမှူးရုံးအား ဗုံးခွဲမှုလုပ်ရပ်များကိုလည်း Brave Eagles နှင့် အခြား မြို့ပြ PDF မြေအောက်အဖွဲ့အစည်းများဖြင့် ပူးပေါင်းလုပ်ဆောင်ထားသည်။
