၂၄. ၈. ၂၀၂၃
Written by Naing Thuta
မန္တလေးအခြေစိုက် အိန္ဒိယကောင်စစ်ဝန်ချုပ်ရုံးမှ ဦးဆောင်ကျင်းပသည့် “အိန္ဒိယနိုင်ငံမှအာကာသယာဉ် လကမ္ဘာအတွင်း ဆင်းသက်နိုင်မှု အထိမ်းအမှတ် မှတ်တမ်းဗွီဒီယိုပြသခြင်း” အခမ်းအနားကို ယနေ့ညနေစောင်းပိုင်းမှ ညဦးပိုင်းအထိ မန္တလေးမြို့တွင်ကျင်းပပြုလုပ်ခဲ့ကြောင်း အိန္ဒိယမျိုးနွယ်ဝင်များထံမှ သိရသည်။
မန္တလေးတိုင်းဒေသကြီး၊ ချမ်းမြသာစည်မြို့နယ်ရှိ Mandalay Convention Center (MCC)ခန်းမတွင် မန္တလေးအခြေစိုက် အိန္ဒိယကောင်စစ်ဝန်ချုပ်ရုံးမှ ဦးဆောင်ကျင်းပပြုလုပ်သော အိန္ဒိယနိုင်ငံမှ အာကာသယာဉ် လကမ္ဘာအတွင်း ဆင်းသက်နိုင်မှု အထိမ်းအမှတ် မှတ်တမ်းဗွီဒီယိုပြသခြင်း အခမ်းအနားအား ယနေ့(ဩဂုတ်လ ၂၄ ရက်နေ့) ညနေ ၅ နာရီမှ ည ၈ နာရီအထိ ကျင်းပပြုလုပ်ခဲ့ခြင်းဖြစ်သည်။
အခမ်းအနားတွင် အိန္ဒိယကောင်စစ်ဝန်ချုပ် Mr Sundeep Kaushal မှ အိန္ဒိယနိုင်ငံမှ အာကာသယာဉ် လကမ္ဘာအတွင်း ဆင်းသက်နိုင်မှုအခြေအနေအား ပြောကြားခြင်း၊ တိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးအောင်မှ အမှာစကားပြောကြားခြင်း၊ အိန္ဒိယနိုင်ငံမှ အာကာသယာဉ် လကမ္ဘာအတွင်း ဆင်းသက်နိုင်မှု ဗွီဒီယိုမှတ်တမ်းပြသကြည့်ရှု့ခြင်း၊ ညစာဖြင့် တည်ခင်းဧည့်ခံကျွေးမွေးခြင်းများ ဆောင်ရွက်ခဲ့ကြောင်း သိရသည်။
