၂၃.၈.၂၀၂၃
Written By Thandar
ဖျော်ဖြေရေးကဏ္ဍတွေနဲ့ ပတ်သက်ပြီး Fortune TV က Road Show 2023- 24 အစီအစဉ် မိတ်ဆက်ပွဲကို ဒီနေ့ သြဂုတ် ၂၃ ရက် နေ့လည်ပိုင်းက ရန်ကုန်မြို့ Novotel Hotel မှာ ကျင်းပခဲ့ပါတယ်။
“ထိတ်လန့်ခြောက်ခြားဖွယ်တွေကို ရုံးက လူကြီးမင်းတွေနဲ့အတူ ကျွန်တော်တို့လည်း စိတ်ဝင်စားမှုရှိတဲ့ Horror Moments အစီအစဉ် ကိုရိုက်ကူးဖြစ်တာ ဖြစ်ပါတယ်။ ပရိသတ်က ထပ်မံတောင်းဆိုလာတာကြောင့် လာမယ့် အစီအစဉ်သစ်တစ်ခုအနေနဲ့ ထပ်မံ ရိုက်ကူးထုတ်လွှင့်ပြသွားမှာပါ။ သရဲခြောက်တယ်ဆိုပြီး နာမည်ကြီးနေတဲ့ နေရာတွေကို လူမနေတာကြာတဲ့ ရှေးဟောင်း လူမနေတဲ့ အိမ်တွေနဲ့ သင်္ချိုင်းတွေကို သွားရိုက်တယ်။ ပရိသတ်တွေ ရိုးမသွားအောင် ပရလောကနဲ့ ပတ်သက်ပြီး ပြန်လည်စတင်ပြသမှာဖြစ်ပါတယ်”လို့ အဆိုပါ ရိုက်ကူးရေးအပိုင်းစီစဉ်သူ မင်းစွမ်းပြည့်က ပြောပါတယ်။
အဆိုပါ အခမ်းအနားကို ဒါရိုက်တာ ညိုမင်းလွင်၊ ဒါရိုက်တာ သရုပ်ဆောင် သားညီ၊ အဆိုတော် ရဲလေး၊ ဦးနန်းဝင်း၊ သရုပ်ဆောင် ထူးမြတ်၊ သရုပ်ဆောင် မြယာ၊ ခြူးစစ်ဟန်၊ ဟေလရီစိုး ၊ တင်မောင်ဆန်းမင်းဝင်း၊ ပတ္တမြားကေခိုင် ၊ ရေကြည်ချမ်းမြ ၊ Kriz စတဲ့ အနုပညာရှင် အတတ်ပညာရှင်တွေ တက်ရောက်ခဲ့ကြပါတယ်။
Road Show အစီအစဉ်ကနေ Horror Moments, Food Around Myanmar Reality Show ၊ သဘင်စတား ၊ အိုမားရေးတဲ့ ဖူးစာ – ဟာသ ဇာတ်လမ်းတွဲ ၊ မှန်ထဲက မိန်းမ – The Horror Series ၊ Shake it ဇာတ်လမ်းတွဲ ၊ တာတီး ဇာတ်လမ်းတွဲ ၊ The Teacher ရုပ်ရှင်ဇာတ်ကား စတာတွေကို လက်ရှိပြသနေတဲ့ ဇာတ်လမ်းတွဲအပြင် အသစ်ဆက်လက်ထုတ်လွှင့်သွားမယ့် ကားတွေလည်း ရှိတယ်လို့ ဆိုပါတယ်။
