၂၁. ၈. ၂၀၂၃
Written by Hey Mar
ရန်ကုန်-မန္တလေးအမြန်လမ်းမကြီးပေါ်မှာ Express အဖြူရောင်ယာဉ်(၁)စီး တိမ်းမှောက်ခဲ့တာကြောင့် ယာဥ်ပေါ်ပါသူ ၁၆ ဦးအနက် တစ်ဦးသေဆုံးကာ ကျန်သူများ အပြင်းအထန်ဒဏ်ရာရှိမှု ဒီနေ့ သြဂုတ် ၂၁ ရက် နေ့လယ် ၄ နာရီဝန်းကျင်က ဖြစ်ပွားခဲ့တယ်လို့ သိရပါတယ်။
အဆိုပါယာဥ်ဟာ မိုင်တိုင်အမှတ် (၇၇/၅)နဲ့ (၇၇/၆)ကြားမှာ အရှိန်မထိန်းနိုင်ဘဲ ဘေးမြောင်းထဲထိုးကျခဲ့တာကြောင့် ဉသျှစ်ကုန်းအမြန်လမ်းမီးသတ်စခန်းက ဦးဆောင်ပြီး ရှာဖွေကယ်ဆယ်ရေးတပ်ဖွဲ့ဝင်တွေနဲ့ ကယ်ဆယ်ရေးလုပ်ငန်းတွေ ဆောင်ရွက်ခဲ့တယ်လို့ သိရပါတယ်။
ဖြစ်စဉ်ကြောင့် ယာဉ်ပေါ်ပါ ကျား(၁၀)ဦး၊ မ(၅)ဦး၊ ကလေး(၁)ဦး၊ စုစုပေါင်း (၁၆)ဦးအနက် ကျား(၁)ဦး (သေဆုံး)၊ မ(၁)ဦး ထိခိုက်ဒဏ်ရာ(စိုးရိမ်ရ)၊ ကျန်(၁၄)ဦး ထိခိုက်ဒဏ်ရာ(မစိုးရိမ်ရ)တို့ အသီးသီး ရရှိခဲ့ပြီး သေဆုံးသူနဲ့ လူနာတွေကို 192 သူနာတင်ယာဉ်၊ ရှင်သန်မှုလူမှုကူညီရေးအသင်းယာဉ်၊ Light Truck ယာဉ်တို့နဲ့ မြို့ချောင်းတိုက်နယ်ဆေးရုံသို့ ပို့ဆောင်ပေးခဲ့တယ်လို့ သိရပါတယ်။
