၁၉. ၈. ၂၀၂၃
Written By Thandar
သရုပ်ဆောင် မိုးယံဇွန်က သူနဲ့ ချောစုစုအောင်ရဲ့ ကြားက လူမှုရေးပြဿနာတွေအပေါ် မင်းနဲ့ မင်းပတ်ဝန်းကျင်ကလူတွေ့အပေါ် နာကျင်စေမှုနဲ့ မနှစ်မြို့စရာဖြစ်စေခဲ့တဲ့ ငါ့ရဲ့အပြုအမူနဲ့ လုပ်ရပ်တွေအ တွက် အလေးအနက်ထားတောင်းပန်တယ်လို့ မိုးယံဇွန်ဆိုပါတယ်။
” ချစ်လှစွာသော Chawsusuaung မင်းနဲ့ မင်းပတ်ဝန်းကျင်က လူတွေအပေါ် နာကျင်စေမှုနဲ့ မနှစ်မြို့စရာဖြစ် စေခဲ့တဲ့ ငါ့ရဲ့အပြုအမူနဲ့ လုပ်ရပ်တွေအတွက် အလေးအနက်ထား တောင်းပန်ဖို့ ဒီအခွင့်အရေးကို ပေးပါလို့ပြောချင်ပါတယ်။ လိုအပ်တဲ့အချိန်တွေမှာ အတူရှိပေးပြီးနားလည်မှုတွေ ကူညီပေးမှုတွေအတွက်လည်း အထူးကျေးဇူးတင်ပါတယ်။ နောက်ပြီး ငါ့ရဲ့ လုပ်ရပ်နဲ့ နာကျင်စေခဲ့တဲ့အတွက် ငါတကယ်ကို တောင်းပန်ပါတယ်”လို့ သရုပ်ဆောင် မိုးယံဇွန်က ပရိသတ်တွေသိအောင် ပြောလာပါတယ်။
ဩဂုတ်လ ၁၇ ရက် ညပိုင်းက သရုပ်ဆောင် မိုးယံဇွန်နဲ့ မချောစုစုအောင်တို့က လူမှုရေးပြဿနာလေးဖြစ်ခဲ့ကြတာလည်းဖြစ်ပါတယ်။ ဩဂုတ်လ ၁၈ ရက် မနက်ပိုင်းမှာတော့ ကျွန်တော့် ရိုက်ကူးရေးတစ်ခုရှိလို့ ပြဿနာကို ချက်ခြင်းမဖြေရှင်းနိုင်ခဲ့ဘူးဖြစ်သွားတယ်လို့ မိုးယံဇွန်က ဆိုပါတယ်။
ယနေ့ ဩဂုတ်လ ၁၈ ရက် နေ့လည်ပိုင်းက တဖက်နစ်နာသူဖြစ်တဲ့ မချောစုစုအောင်က အင်တာဗျူးတချို့မှာ မိုးယံဇွန်ဘက်ကမှားတယ်၊ အမှားကို ဝန်ခံပြီးတောင်းပန်မယ်ဆိုရင် ကျေနပ်မယ်ဆိုတဲ့အတွက် ယနေ့ ညပိုင်း ရှုတင်ပြီးမှPublic ကို ချပြလာတာပါလို့ဆိုပါတယ်။
“ဒီပြဿနာကို ကြည့်ရှုခဲ့သူ အကုန်လုံးကို ကျွန်တော် တောင်းပန်ပါတယ်။ ကျွန်တော်က ယောက်ျားလေးတစ်ယောက်ဖြစ်တယ်။ မှားမှားမှန်မှန် မိန်းကလေးတစ်ယောက်အပေါ်မှာ ဒေါသအလျောက် မထိန်းချုပ်နိုင်ဘဲ လက်ပါမိတဲ့အတွက် မဖြစ်သင့်တာတွေဖြစ်တယ်။ တစ်ဖက်သားကို နစ်နာထိခိုက်အောင် လုပ်မိသလို ကျွန်တော်ဖြစ်သွားတယ်။ နစ်နာသူ မချောစုစုအောင်ကို အနူးအညွတ် တောင်းပန်ပါတယ်။ နောက်နောင် ဒီလိုအဖြစ်အပျက်မျိုးတွေ ဖြစ်မှာလည်းမဟုတ်ဘူး ကျွန်တော် သင်ခန်းစာလည်းရပါတယ်”လို့ သူကပြောပါတယ်။
