၁၁.၈.၂၀၂၃
Written By Thandar
ဂီတပိုင်းမှာ အသံစွဲအား ကောင်းကောင်းလေးကြောင့် ပရိသတ်ရဲ့ ချစ်ခင်မှုတွေများစွာရရှိထားတဲ့ အဆိုတော် အိုင်းရင်းဇင်မာမြင့်က သူ့မှာ ချစ်ရတဲ့သူရှိနေပြီလို့ ဆိုလာပါတယ်။
“လောကမှာ အတောက်ပဆုံးဆိုတဲ့ ကြယ်တွေတောင် တနေ့ကြွေရတယ်။ မချစ်ဘူးလို့ တင်းထားတဲ့ကျွန်မရဲ့မာန်တွေလည်း မောင်နဲ့ကျမှ•••••ဆန်းကြယ်စွာပဲ လောကကြီးရဲ့ဖြစ်တတ်တဲ့သဘော ထင်ပါရဲ့••• “
“ပိုလည်းမပြောတော့ပါဘူး၊ လိုခဲ့ရင်တော့ ကျွန်မအားနည်းချက်ပေါ့၊ အသက်ရှင်ခြင်းက သဘာဝပဲလေ၊ ဘဝရှင်သန်ခြင်း ကတော့ မောင်နဲ့ပဲသက်ဆိုင်တယ်•••••• ” စတဲ့ စာသားလှလှလေးတွေနဲ့အတူ စုံတွဲဓာတ်ပုံတွေကို အိုင်းရင်းဇင်မာမြင့်က ပရိသတ်တွေကို မျှဝေလာပါတယ်။
ချစ်သူအမျိုးသားဖြစ်သူရဲ့ မျက်နှာကိုတော့ စတစ်ကာနဲ့ ဖုံးပြီးတင်ထားတာလည်း တွေ့ရပါတယ်။ အိုင်းရင်းဇင်မာမြင့်ရဲ့ အချစ်၊ အလွမ်း၊ အဆွေး၊ အသည်းကွဲသီချင်းတွေက ပရိသတ်ရဲ့ ရင်ထဲကို စွဲငြိစေခဲ့တာလည်းဖြစ်ပါတယ်။
ပရိသတ်တွေကတော့ အိုင်းရင်းဇင်မာမြင့်ရဲ့ ချစ်ခရီးလမ်းအတွက် ဝမ်းသာပီတိဖြစ်ပြီး ဆုမွန်ကောင်းတွေ တောင်းပေးထားနေကြပါတယ်။
ပုံလေးရော Video တွေပါ မကြာခင်အတိအကျလေးတင်ပေးမယ်ရှင် ခဏတော့စောင့်ပေးပါဦးနော်လို့လည်း သူမက ဆိုလာပါတယ်။
