ကျိုက်ထီးရိုးဘုရားရင်ပြင်တော်ရှိ ရိုးရိုးလေးဟိုတယ် မီးလောင်

၁. ၈. ၂၀၂၃
Written by Thettant

ကျိုက်ထီးရိုးဆံတော်ရှင်ဘုရားရင်ပြင်ပေါ်မှာရှိတဲ့ ရိုးရိုးလေးဟိုတယ် ဒီနေ့လယ်ပိုင်းက မီးလောင်မှုဖြစ်ပွားခဲ့တယ်လို့ သိရပါတယ်။

ဖြစ်စဥ်က ဒီနေ့လယ် ၁ နာရီခွဲအချိန်မှာ မွန်ပြည်နယ်၊ ကျိုက်ထိုမြို့၊ ကျိုက်ထီးရိုးတောင်ပေါ်မှာရှိတဲ့ ရိုးရိုးလေး Hotel စတိုခန်း မီးလောင်မှုဖြစ်ပွားတယ်လို့ သတင်းရရှိတာကြောင့် ကျိုက်ထီးရိုးနယ်မြေမီးသတ်စခန်းက သန္ဓေမီးသတ်တပ်ဖွဲ့ဝင်တွေ အရန်မီးသတ်တပ်ဖွဲ့ဝင်တွေနဲ့ ထွက်ခွာငြှိမ်းသတ်ခဲ့တာ နေ့လယ် ၁ နာရီ ၄၄ အချိန် မီးငြိမ်းခဲ့တယ်လို့ သိရပါတယ်။

လက်ရှိမှာ ဘာကြောင့်မီးလောင်ခဲ့ရတယ်ဆိုတာနဲ့ ထိခိုက်ဆုံးရှုံးမှုကို စိစစ်နေဆဲဖြစ်ပြီး ဟိုတယ်မီးလောင်မှုနဲ့အတူ ဆိုင်ခန်းတချို့လည်း မီးလောင်ခဲ့တယ်လို့ ကနဦးသတင်းတွေအရ သိရပါတယ်။

Photo- MFSD, Eversmile Rescue