၁.၈. ၂၀၂၃
Written By Thandar
ချစ်ရတဲ့ မိန်းကလေးငယ် အိအိမွန်ကို ကျပ်သိန်းတစ်သောင်းနဲ့တင်တောင်းပြီးနောက်မှာ မန္တလေးသား ဦးမျိုးသန့်ရဲ့ ဆံပင်ပေါက်ဆေးကို Facebook ပေါ်က ပရိသတ်တွေ စိတ်ဝင်စားမှု မြင့်တက်နေလျက်ရှိပါတယ်။
လက်ရှိအချိန်မှာ “ဦးမျိုးသန့်ရဲ့ Fb Acc လေးရရင် လင်းကြပါဦး၊ နှစ်လအတွင်း ဆံပင်ပေါက်နည်းလေး တောင်းချင်လိုပါ”၊ “ကျော်လည်း ထိပ်လေးပြောင်နေလို့ ဆေးနည်းအဟုတ်သိချင်တာ”၊ “အဲ့လို အသက်ခေါက်ချိုးငယ်တာလေး ယူလိုက်လေ ဆံပင်တွေ ထွက်လာလိမ့်မယ်”၊ “ဆံပင်အတု စွတ်ထားတာပါ”၊ “အဲ့ဒါကြောင့် ငါ့ယောက်ျားချမ်းသာတဲ့အချိန် ငါမသေချင်ပါဘူးဆိုမှ” ၊ “ပိုက်ဆံမရှိရင် အာ့ဒီ နှစ်ယောက်ကြား အချစ်ဆိုတာ မဖြစ်လာနိုင်ဘူး သေချာတယ် ဒါရေစက်မဟုတ်ဘူး ငွေ”၊ “စစ်မှန်တဲ့အချစ်က ရိုးရှင်းပါတယ် ဒီလင်ဒီမယားအိုအောင်မင်းအောင်ပေါင်းရပါစေဗျာ”၊ “ဆံပင်အမြန်ပေါက်ဆေးတံဆိပ်နာမည်လေးသိရင်ပြောပေးခဲ့ကြပါလား “လို့လည်း ပရိသတ်တချို့က တောင်းဆိုနေကြတာလည်း ဖြစ်ပါတယ်။
မန္တလေးသားဦးမျိုးသန့်ဆိုသူက ဧပြီလ ၁၄ ရက်ထဲက လူမှုကွန်ရက်မှာ ခေတ်စားနေတဲ့ သိန်းတစ်သောင်းနဲ့တင်တောင်းတာကို လက်တွေ့အကောင်အထည်ဖော်ခဲ့သူပါ။
၂၀၂၃ ခုနှစ် မေ ၁၄ ရက်ကလည်း ကိုယ့်ချစ်မြတ်နိုးရတဲ့သူလေးကို စိတ်ချမ်းသာစေဖို့အတွက် စိန် ရွှေ ရတနာနဲ့ ငွေကျပ်သိန်းတစ်သောင်းကိုတင်တောင်းခဲ့တဲ့ ပုံတွေ Video တွေကြောင့် နေ့ချင်း ညချင်းဆိုသလို လူသိများခဲ့တာပဲဖြစ်ပါတယ်။ ဒါ့အပြင် ချစ်ရသူရဲ့မိဘတွေကိုတော့ ငွေကျပ်သိန်းတစ်ထောင် သီးသန့်ကန်တော့ခဲ့တယ်လို့ သိရပါတယ်။ ဒါ့အပြင် ဆွေမျိုးတွေအားလုံးကိုလည်း ခဲဖိုးတွေမျှဝေခဲ့တာပါ။
ဇူလိုင် ၂၆ရက် ညပိုင်းက မန္တလေး ပြင်ဦးလွင်မြို့ပတ်လမ်း ၃၆×၃၇ လမ်း ကြားရှိ ဦးမျိုးသန့် (မျိုးမြန်မာစိုက်ပျိုးရေးနှင့် မျိုးစပါးဖြန့်ချိရေး) နဲ့ မအိအိမွန် (BS.c Physic . Q) တို့ Dinner Party ကို နာမည်ကြီးအဆိုတော်အောင်ထက်နဲ့ နီနီခင်ဇော်တို့ ဖျော်ဖြေတင်ဆက်ခဲ့ကြတာပဲဖြစ်ပါတယ်။
ဒီမင်္ဂလာပွဲမှာလည်း အိအိမွန်က ကိုကြီးကို Surprise အနေနဲ့ “ချွဲချွဲနွဲ့နွဲ့ ခေါ်ချင်တယ် ကိုကြီးကိုကြီး” တေးသီချင်းနဲ့ အက ၃ ရက်လောက်လေ့ကျင့်ပြီး ကပြဖျော်ဖြေခဲ့တာလည်း ဖြစ်ပါတယ်။
“ညီမလေးက သိပ်မပူဆာတတ်ပါဘူး။ ကျွန်တော်ကပဲ အလိုက်တသိ ဖြည့်ဆည်းပေးတာပါ။ အခုလို ဖြည့်ဆည်းပေးရလို့ အလွန် ပီတိဖြစ်တယ်” ဆိုပြီး ဦးမျိုးသန့်၊ မအိအိမွန်တို့ ဇနီးမောင်နှံက ပရိသတ်သိအောင်ပြောလာပါတယ်။
လက်ရှိ သူတို့နှစ်ဦးရဲ့ မင်္ဂလာပွဲကတော့ လူမှုကွန်ရက်စာမျက်နှာတွေပေါ်မှာ လူကြိုက်များနေသလို ကြည့်ရှုနေသူတွေ တော်တော်များပါတယ်။ ဦးမျိုးသန့်ကြီးရဲ့ ဆံပင်တွေ ရှည်လာတာကို လူမှုကွန်ရက်မှာ မေးခွန်းထုတ်စရာလေးတွေ ဖြစ်လာပါတော့တယ် ပရိသတ်ကြီးရေ …..
