၂၅. ၇. ၂၀၂၃
Written By Thandar
Rapper အဆိုတော်လေး ပြုံးမြသွယ် မွေးနေ့အမှတ်တရအနေနဲ့ သီချင်းသစ်လေး တစ်ပုဒ် ဇူလိုင် ၂၅ရက်နေ့ ညနေပိုင်းမှာ ပရိသတ်အတွက်လက်ဆောင်တင်ပေးမယ်လို့ ဆိုပါတယ်။
“ကျောင်းမှာ Project အနေနဲ့ လုပ်ထားတာကို ကိုယ်တိုင်ရေး ကိုယ်ပိုင်သံစဥ်လေး လုပ်ထားတယ်။ ညီမ သီချင်းသစ်လေး အကြောင်း ပရိသတ်ကို ကြိုမပြောချင်သေးပါဘူး ။ ကိုယ်တိုင်ရေး ကိုယ်တိုင် တီးခတ်ထားတဲ့ သီချင်းသစ်ပါ။ ခုညနေပိုင်းမှာ မွေးနေ့လက်ဆောင်အနေနဲ့ တင်ပေးမှာပါ။ ပရိသတ်ကို Surprise ဖြစ်စေချင်လို့ ကြိုမပြောတာပါ”လို့ အဆိုတော် ပြုံးမြသွယ်က ပြောပါတယ်။
မကြာခင်က YOU သီချင်းက ကိုယ်တိုင်ရေး၊ ကိုယ်တိုင်တီးပြီး For You သီချင်းလေးကိုလည်း ထွက်ရှိခဲ့တာလည်း ဖြစ်ပါတယ်။ Berklee College of Music တက္ကသိုလ် ဒုတိယနှစ်တက်ပြီး ပညာသင်ကြားနေရင်းက မြန်မာပြည်ကို ခေတ္တပြန်လာတာလည်း ဖြစ်ပါတယ်။
“ပြည်ပ သူငယ်ချင်းတွေနဲ့ ပေါင်းပြီးတော့ တရုတ်သီချင်းလည်း လုပ်ခဲ့ပါတယ်။ Featuring အပိုင်းမှာလည်း ကိုယ်ရေးပြီး ပါဝင်သီဆိုထားပါတယ်။ ကိုယ့်ဘာသာစကားမဟုတ်တော့ခက်ခဲတယ်။ ပုံမှန် မြန်မာလို အင်္ဂလိပ်လို ရေးတာထက် တရုတ်လိုရေးရတာ အမှားပါမှာကြောက်မိတယ်။ တရုတ်သီချင်းကို ဝေဖန်မခံရပဲ အောင်အောင်မြင်မြင် လုပ်တာခဲ့လို့ ကျေနပ်မိပါတယ်”လို့ သူမက ဆက်ပြောပါတယ်။
