၂၅. ၇. ၂၀၂၃
Written by Pan Ei
ကမ္ဘာကျော် တောင်ကိုရီးယားအမျိုးသားအဆိုရှင်အဖွဲ့ BTS ရဲ့ အဖွဲ့ဝင်တစ်ဦးဖြစ်တဲ့ Jung Kook ဟာ မကြာသေးမီကမှ ထွက်ရှိခဲ့တဲ့ “Seven” ဆိုတဲ့သီချင်းနဲ့ ဒီတစ်ပတ်အတွက် Billboard ရဲ့ အကျော်ကြားဆုံး သီချင်း ၁၀၀ စာရင်းရဲ့ နံပါတ် တစ် နေရာကို ရရှိခဲ့ပါတယ်။
Jong Kook ရဲ့ သီချင်းသစ် “Seven” ဟာ အခုအပတ်အတွက် Billboard ရဲ့ အကျော်ကြားဆုံး သီချင်း ၁၀၀ စာရင်းမှာ နံပါတ် တစ် နေရာနဲ့ ပွဲဦးထွက်ခဲ့တာဖြစ်ပြီး အဲ့ဒီသီချင်းမှာ အမေရိကန် ရက်ပ်အဆိုတော် Latto က တွဲဖက်အနေနဲ့ သီဆိုထားပါတယ်။
၁၉၅၈ ခုနှစ်က စတင်ခဲ့တဲ့ အဆိုပါစာရင်း ထိပ်ဆုံးနေရာရဲ့ ၆၈ ပုဒ်မြောက်အဖြစ် Jung Kook ရဲ့ သီချင်းသစ် “Seven” က စာရင်းဝင်လာခဲ့တာပါ။
အခုနှစ် ဧပြီလတုန်းကလည်း BTS ရဲ့ အဖွဲ့ဝင် Jimin က “Like Crazy” ဆိုတဲ့သီချင်းနဲ့ Billboard ရဲ့ အကျော်ကြားဆုံး သီချင်း ၁၀၀ စာရင်းရဲ့ နံပါတ် တစ် နေရာကို ရရှိခဲ့ပြီး အဲ့နေရာကိုရရှိခဲ့တဲ့ ပထမဆုံး တောင်ကိုရီးယားတစ်ကိုယ်တော်အနုပညာရှင်အဖြစ် မှတ်တမ်းဝင်ခဲ့ပါသေးတယ်။
Ref; Billboard
