MT News
Written by Naing Thuta
အမရပူရမြို့နယ်တွင် စစ်ကိုင်းသို့သွားသော မီးရထားနှင့် မော်တော်ယာဉ်တစ်စီး တိုက်မိမှု ယမန်နေ့ နေ့လည်ပိုင်းက ဖြစ်ပွားခဲ့ကြောင်း ဒေသခံများထံမှ သိရသည်။
ဖြစ်စဉ်မှာ ဇူလိုင် ၁၉ ရက်(အာဇာနည်နေ့) မွန်းလွဲ ၂ နာရီ ၄၅ မိနစ်ခန့်က မန္တလေးတိုင်းဒေသကြီး၊ အမရပူရခရိုင်၊ အမရပူရမြို့နယ်၊ ငယ်တိုးကျေရွာအုပ်စု၊ ရွှေခဲရွာ၊ ရွှေခဲရွာထိပ်သံလမ်းဆုံတွင် မန္တလေးစက်ခေါင်းရုံမှမောင်းနှင်လာသော မီးရထား(အမှတ် DD (969) အတွဲ(၂)တွဲသည် စစ်ကိုင်းမြို့၊ ထောင်ရွာသို့သွားစဉ် ရွှေခဲရွာထိပ်သံလမ်းဆုံဖြတ်သွားသော အသက် ၂၈ နှစ်အရွယ်အမျိုးသားတစ်ဦး မောင်းနှင်သည့် Honda Fit အနက်ရောင်မော်တော်ယာဉ်ဖြင့် တိုက်မိခဲ့ကြောင်း သိရသည်။
အဆိုပါတိုက်မိမှုကြောင့် မော်တော်ယာဉ်မောင်းနှင်သူသည် ထိခိုက်ဒဏ်ရာတစ်စုံတစ်ရာရရှိခဲ့ခြင်းမရှိသော်လည်း မော်တော်ယဥ်မှာမူ ကားဘော်ဒီအလယ်ချိုင့်ဝင်ကျိုးပဲ့၍ ကားအနောက်ညာဘက်ဘီးပေါက်ကွဲထွက်ခဲ့ကြောင်းနှင့် ဒေသခံနယ်မြေရဲစခန်းမှလည်း ယာဥ်မောင်းဖြစ်သူအား ဥပဒေအရ အရေးယူဆောင်ရွက်ထားကြောင်း သိရသည်။
