MT News
written by Htwe Ko Tun
AFF Women U-19 Championship 2023 ပြိုင်ပွဲ၏ အကြိုဗိုလ်လုပွဲများကို ဇူလိုင်လ ၁၃ ရက်က ကစားခဲ့ကြရာတွင် မြန်မာ ယူ-၁၉ အမျိုးသမီးအသင်းနှင့် ဗီယက်နမ် ယူ-၁၉ အမျိုးသမီးအသင်းတို့၏ ပထမအကြိုဗိုလ်လုပွဲ၌ ဗီယက်နမ်အမျိုးသမီးအသင်းက နှစ်ဂိုး-တစ်ဂိုးဖြင့် အနိုင်ရကာ ဗိုလ်လုပွဲသို့တက်ရောက်သွားခဲ့ကြောင်း သိရသည်။
မိနစ် ၉၀ ပြည့်သည်ထိ တစ်ဂိုးစီသရေဖြစ်နေခဲ့ပြီးနောက် အချိန်ပိုတွင် ဗီယက်နမ်အသင်းက အနိုင်ဂိုးရသွားခဲ့ခြင်းဖြစ်သည်။
မြန်မာ ယူ-၁၉ အမျိုးသမီးအသင်းက တတိယနေရာအတွက် ဇူလိုင်လ ၁၅ ရက်တွင် ဒုတိယအကြိုဗိုလ်လုပွဲမှ ရှုံးသည့်အသင်းနှင့် ယှဉ်ပြိုင်ရမည်ဖြစ်သည်။
ယနေ့ပွဲတွင် မြန်မာအသင်းက ပိုမို၍ထိုးဖောက်နိုင်ပြီး ဂိုးသွင်းခွင့်များရခဲ့သော်လည်းကံခေ၍ အပိုင်ဂိုးအခွင့်အရေးအချို့လွဲခဲ့ရသည်။
