၁၃. ၇. ၂၀၂၃
Written by Pan Ei
ကနေဒါအခြေစိုက် Casino.ca ဝက်ဘ်ဆိုတ်ဟာ အခုလထဲမှာ ရုံတင်ပြသတော့မယ့် “Barbie” ရုပ်ရှင်ကို ဂုဏ်ပြုတဲ့အနေနဲ့ “Barbie’s Dream Job” လို့ခေါ်တဲ့ စိတ်ဝင်စားစရာကောင်းတဲ့ အခွင့်အလမ်းကို စတင်လိုက်ပြီပဲဖြစ်ပါတယ်။
အဲ့ဒီအလုပ်အတွက် ရွေးချယ်ခံရသူဟာ ၂၀၀၁ ခုနှစ်ကနေ ၂၀၀၉ ခုနှစ်အတွင်း ထွက်ရှိခဲ့တဲ့ ဘာဘီ ကာတွန်းဇာတ်ကား ၁၆ ကားကို ကြည့်ရှုရမှာဖြစ်ပြီး သုံးသပ်ချက်နဲ့အတူ အဆင့်သတ်မှတ်ပေးရမှာဖြစ်ကာ လုပ်အားခအနေနဲ့ အမေရိကန်ဒေါ်လာ ၁၀၀၀ ရရှိမှာ ဖြစ်ပါတယ်။
ရွေးချယ်ခံရသူကို ထပ်လောင်းခံစားခွင့်တစ်ခုအနေနဲ့ လာမယ့် ဇူလိုင်လ ၂၁ ရက်မှာ ရုံတင်ပြသတော့မယ့် Margot Robbie နဲ့ Ryan Gosling တို့ အဓိကပါဝင်သရုပ်ဆောင်ထားတဲ့ “Barbie” ရုပ်ရှင်ကြည့်ရှုဖို့လည်း လက်မှတ်ခ ဒေါ်လာ ၅၀ ပေးအပ်သွားမယ်လို့ သိရပါတယ်။
၁၉၉၀ နဲ့ ၂၀၀၀ ပြည့်နှစ်တွေအတွင်း ကြီးပြင်းလာသူတွေရဲ့ နှလုံးသားထဲက လွမ်းဆွတ်ဖွယ်နေရာတစ်ခုကို သိမ်းပိုက်ထားတဲ့ မူရင်း Barbie ရုပ်ရှင်တွေရဲ့ အရေးပါမှုကို အသိအမှတ်ပြုဖို့ အခုလို အစီအစဉ် ပြုလုပ်တာ ဖြစ်တယ်လို့ Casino.ca ဝက်ဘ်ဆိုတ်က ဖော်ပြခဲ့ပါတယ်။
“Barbie’s Dream Job” အတွက် လျှောက်လွှာတွေကို အခုအပတ် တနင်္ဂနွေနေ့အထိ လက်ခံထားပြီး၊ ဘာဘီရုပ်ရှင်ချစ်သူတွေနဲ့ ရုပ်ရှင်ဝါသနာအိုးတွေအတွက်ကတော့ ကာတွန်းတွေကို ပြန်လည်အသက်သွင်းနိုင်ဖို့နဲ့ သူတို့ရဲ့ အတွေးအမြင်တွေကို ကမ္ဘာနဲ့ မျှဝေနိုင်တဲ့ စိတ်လှုပ်ရှားဖွယ် အခွင့်အရေးတစ်ခု ဖြစ်စေနိုင်မှာပါ။
Ref; UPI News
