ဓာတ်ပုံ- မီးသတ်ဦးစီးဌာန၊ မြတ်ကုသိုလ်လူမှုကယ်ဆယ်ရေး
၃. ၇. ၂၀၂၃
Written by Thettant
ရန်ကုန်တိုင်းဒေသကြီး လှိုင်သာယာမြို့နယ် အနော်ရထာစက်မှုဇုန် ဂန္ဓမာလမ်းမှာရှိတဲ့ ငါးရှဥ့် အအေးခန်းစက်ရုံတစ်ခု ဒီနေ့မနက်ပိုင်းမှာ မီးလောင်မှုဖြစ်ပွားခဲ့တယ်လို့ မီးသတ်ဦးစီးဌာနက သိရပါတယ်။
ဒီဖြစ်စဥ်ဟာ ဇူလိုင် ၃ ရက် နံနက် ၂ နာရီ ၄၅ မိနစ်မှာ ဖြစ်ပွားခဲ့တာဖြစ်ပြီး မီးလောင်မှုကို Level 1 ယာဉ်အုပ်စု ထွက်ခွာငြှိမ်းသတ်ခဲ့ရသလို နံနက် ၃ နာရီ ၁၇ မိနစ်မှာ မီးငြိမ်းတယ်လို့ မီးသတ်ဦးစီးဌာနက ပြောပါတယ်။
လက်ရှိအချိန်မှာတော့ တာဝန်ရှိသူတွေက မီးလောင်မှုအကြောင်းရင်းနဲ့ ပျက်စီးဆုံးရှုံးမှုတန်ဖိုးကို စိစစ်နေဆဲဖြစ်တယ်လို့ သိရပါတယ်။
“ငါးရှဥ့်အအေးခန်းစက်ရုံမှာ မီးလောင်တာပါ။ ကျွန်တော်တို့ကသွားပြီးကူညီပေးတာ။ မီးလောင်မှုအကြောင်းရင်းနဲ့ အသေးစိတ်ကတော့ တာဝန်ရှိသူတွေစိစစ်နေဆဲပါ” လို့ သွားရောက်ကူညီခဲ့တဲ့ ပရဟိတအဖွဲ့ဝင်တစ်ဦးက ပြောပါတယ်။
ဓာတ်ပုံ- မီးသတ်ဦးစီးဌာန၊ မြတ်ကုသိုလ်လူမှုကယ်ဆယ်ရေး
