MT News
Written by Nay Moe
စစ်ကိုင်းတိုင်းမှ PDF ယာယီစခန်းတစ်ခုကို ချေမှုန်းနိုင်ခဲ့ပြီး ထိုတိုက်ပွဲမှ PDF အလောင်းများနှင့် ခဲယမ်းလက်နက်များ ရရှိခဲ့သည်။
ပြည်သူများ သတင်းပေးမှုအရ PDF များသည် စစ်ကိုင်းမြို့ နယ်၊ ကင်းတော်ကျေးရွာ၊ ဥယျာဉ်ကျေးရွာနှင့် လက်ပံတောကျေးရွာများအနီး လက်နက်၊ ခဲယမ်းများနှင့်အတူ ခိုအောင်းနေကြောင်းသိရှိရသဖြင့် တပ်မတော်စစ်ကြောင်းများက ယနေ့ သွားရောက် ချေမှုန်းရာ PDF အလောင်းအချို့ ၊ လက်နက်၊ ခဲယမ်းများနှင့် ဆက်စပ်ပစ္စည်းများအား သိမ်းဆည်းရရှိခဲ့သည်။
ထို PDF စခန်းကို တိုက်ခိုက်ရာ PDF အလောင်းအများအပြားအပြင် စနိုက်ပါသေနတ် ၁ လက်အပါအဝင် လက်နက်မျိုးစုံ ၁၅ လက်၊ ၁၀၇ မမဒုံးသီး ၂ လုံးအပါအဝင် ခဲယမ်း/ ဗုံးသီးများ၊ ကျည်မျိုးစုံ ၅၀၀၉ တောင့်နှင့် ဆက်စပ်ပစ္စည်းများ သိမ်းဆည်းရမိခဲ့သည်။
အလားတူ ဆက်စပ်သတင်းများအရ PDF များ စစ်ကိုင်းမြို့နယ်၊ ဥယျာဉ်ကျေးရွာနှင့် လက်ပံတောကျေးရွာများအနီး လက်နက်၊ ခဲယမ်းများနှင့်အတူ ရောက်ရှိခိုအောင်းနေကြောင်း သတင်းအရ တပ်မတော် စစ်ကြောင်းများက သွားရောက်၍ လိုအပ်သည့်လုံခြုံရေးလုပ်ငန်းများဆောင်ရွက်ခဲ့ရာ လက်နက်မျိုးစုံ ၂၇ လက်၊ ခဲယမ်း/ဗုံးသီးအချို့နှင့် ဆက်စပ်ပစ္စည်းများအား ထပ်မံသိမ်းဆည်းရမိခဲ့သည်ဟု သိရသည်။
