၂၄. ၆. ၂၀၂၃
Written by Kyaw Soe Moe (Pyapon)
ဖျာပုံခရိုင် (၄) မြို့နယ် ဓမ္မစကြာနှင့် အနတ္တလက္ခဏသုတ် ရွတ်ဆိုပူဇော်ပြိုင်ပွဲကို ယနေ့ ဇွန်လ ၂၄ ရက်နေ့ မနက် ၉ နာရီအချိန်က ဖျာပုံခရိုင်ရတနာ့သိဒ္ဓိသာသနာဗိမာန်တော်ကြီး၌ ကျင်းပခဲ့သည်။
ဓမ္မစကြာရွတ်ဆိုပူဇော်ပြိုင်ပွဲ ဖွင့်ပွဲအခမ်းအနားတွင် ဆရာတော်အရှင်သူမြတ်များက ငါးပါးသီလ တရားပေးပြီး ဖျာပုံခရိုင်စီမံအုပ်ချပ်ရေးအဖွဲ့ဥက္ကဋ္ ဌဦးတင်လင်းနှင့် ခရိုင်အဆင့်ဌာနဆိုင်ရာများမှ နမောတသ သုံးကြိမ်ရွတ်ဆိုပြီး ရေစက်သွန်းချကာ အခမ်းအနားကိုဖွင့်လှစ်ပေးခဲ့သည်။
အဆိုပါ ရွတ်ဆိုပြိုင်ပွဲသို့ ဖျာပုံမြို့နယ်၊ ဘိုကလေးမြို့နယ်၊ ကျိုက်လတ်မြို့နယ်၊ ဒေးဒရဲမြို့နယ်များမှ ဝတ်အသင်းများ ဝင်ရောက်ယှဥ်ပြိုင်ခဲ့ကြကြောင်း သိရသည်။
ပြိုင်ပွဲတွင် ပထမဆု၊ ဒုတိယဆု၊ တတိယဆုနှင့် အထူးဆုများ ချီးမြှင့်ပေးသွားမည်ဖြစ်ကြောင်း ဖျာပုံခရိုင် အထွေထွေအုပ်ချူပ်ရေးဦးစီးဌာန၏ တာဝန်ရှိသူတစ်ဦးက ပြောသည်။
