MT News
Written by Thettant
နေအိမ်တွင် အိပ်နေသူအမျိုးသားတစ်ဦးအား ကားတစ်စီးက ဝင်တိုက်၍ ဒဏ်ရာရမှု သာကေတတွင် ဖြစ်ပွားခဲ့ကြောင်း သာကေတမြို့နယ် လူမှုကူညီရေးအဖွဲ့မှ သိရသည်။
ဖြစ်စဥ်မှာ ဇွန် ၁၇ ရက် ည ၁၁ နာရီ မိနစ် ၅၀ ခန့်ကရန်ကုန်တိုင်းဒေသကြီး သာကေတမြို့နယ် ရှုခင်းသာလမ်းမကြီး (၄၉) အစိမ်းဂိတ်မှတ်တိုင်အနီးတွင် ကားတစ်စီးမှ အရှိန်မထိန်းနိုင်ဘဲ နေအိမ်ကိုဝင်တိုက်ရာမှ နေအိမ်ထဲဝင်သွားကြောင်း ပြည်သူများ အကြောင်း ကြားလာသဖြင့် သာကေတမြို့နယ်လူမှုကူညီရေးအဖွဲ့ က အချိန်နှင့်တစ်ပြေးညီထွက်ခွာကာ ဖြစ်စဉ်မှ ဒဏ်ရာရသူ အသက်(၄၀)ဝန်းကျင်ခန့် လူနာအမျိုးသားတစ်ဦး(မစိုးရိမ်ရ)အား မြေပြင်ကုသမှုပေးပြီး ပေးဆပ်သူတို့နှလုံးသားပရဟိတအသင်း ကားဖြင့် ရန်ကုန်ပြည်သူ့ဆေးရုံကြီးသို့ ပို့ဆောင်ကူညီခဲ့သည်ဟု သိရသည်။
“ဒဏ်ရာရတဲ့ လူနာအမျိုးသားက အိမ်ထဲမှာ အိပ်နေတဲ့သူဖြစ်ပါတယ်”ဟု သာကေတမြို့နယ် လူမှုကူညီရေးအဖွဲ့က ဖြေကြားသည်။
