MT News
Written By Thandar
Miss Universe Mawlamyine & Thahtone 2023 ပြိုင်ပွဲကို ဇွန်လ ၁၀ ရက်က မွန်ပြည်နယ် မော်လမြိုင်မြို့မှာ အလှမယ် Dee က Miss Universe Mawlamyine 2023 Winner ဆုကို ဆွတ်ခူးရရှိခဲ့သလို အလှမယ် ဖူးပွင့်သုန်က Miss Universe Thahtone 2023 Winner ဆုကို ဆွတ်ခူးခဲ့ကြပါတယ်။
ဇွန်လ ၁၀ ရက်က Grand Final ကို မော်လမြိုင်မြို့မှာ ကျင်းပခဲ့ပြီး အလှမယ် ပြိုင်ပွဲဝင် ၁၈ ဦးနဲ့ အောင်မြင်စွာ ကျင်းပပြုလုပ်ခဲ့တာပဲဖြစ်ပါတယ်။
“Dee ရဲ့ Miss Universe ပြိုင်ပွဲအတွက် လွန်ခဲ့တဲ့ ၇ နှစ်လောက်ကတည်းကပေါ့။ အခု Dee ပထမဆုံး ပြိုင်တဲ့ ခြေလှမ်းကတော့ In Come Place ဖြစ်သွားပြီပေါ့နော်။နောက်ထပ်လာမယ့် Level တွေကို အစွမ်းကုန် Dee ကြိုးစားသွားမယ်လို့ ပြောချင်ပါတယ်။ အလှမယ်တစ်ယောက်မှာ ရှိသင့်တဲ့ အရည်အချင်းတွေအားလုံး Dee မရှိတဲ့အရာအားလုံးကို ဖြည့်တင်း ပြင်ဆင်သွားမယ်။ Dee လုပ်ဆောင်မှုတွေ အားလုံးကို စောင့်ကြည့်ပေးပါလို့ စိတ်မပျက်ပါနဲ့ ပြောချင်ပါတယ်”လို့ Miss Universe Mawlamyine 2023 Winner ဆုရှင် Dee က ပြောပါတယ်။
သူမတို့ နှစ်ယောက်ဟာ ဆိုရင် ၁၀ ကြိမ်မြောက် ကျင်းပမယ့် Miss Universe Myanmar 2023 အလှမယ်ပြိုင်ပွဲကြီးမှာ မော်လမြိုင်မြို့ ကိုယ်စားပြုနဲ့ သထုံကိုယ်စားပြု အနေနဲ့ ဝင်ရောက်ယှဥ်ပြိုင်သွားကြရမှာဖြစ်ပါတယ်။
” Miss Universe Thahtone ကိုယ်စားပြု ဖြစ်သွားတဲ့အတွက် သထုံအတွက် တင်ပြစရာတွေလည်း ပွဲကြီးကျရင် တင်ပြသွားပါ့မယ်။ သထုံရဲ့ အထင်ကရနေရာတွေကို ချပြသွားပါမယ်ရှင့်။ လာမယ့်ပြိုင်ပွဲမှာလည်း အကောင်းဆုံးကြိုးစားယှဉ်ပြိုင်သွားပါမယ်”လို့ Miss Universe Thahtone Winner ဆုရှင် ဖူးပွင့်သုန်က ပြောပါတယ်။
