MT News
Written by Hey Mar
ရှမ်းပြည်နယ်အရှေ့ပိုင်း၊ တာချီလိတ်-မိုင်းဆတ်လမ်း ရွှေတောင်-ရွှေလီအဆင်းတွင် ဘိလပ်မြေတင်ဆောင်လာသော Faw ကားတစ်စီး ဘရိတ်ပေါက်ပြီး ချောက်ထဲသို့ကျသွားခဲ့ရာမှ ယာဥ်မောင်းဖြစ်သူ သေဆုံးခဲ့ရသည့် ဖြစ်စဥ်တစ်ခု ဇွန်လ ၄ ရက် ညနေ ၄ နာရီအချိန်က ဖြစ်ပွားခဲ့ကြောင်း ဦးလှမိုးတာချီလိတ် ပရဟိတ အသင်းမှ သိရသည်။
ဖြစ်စဥ်ဖြစ်ပွားသည့်နေရာသို့ မြို့တွင်းရှိ ကယ်ဆယ်ရေးအဖွဲ့များ ချက်ချင်းသွားရောက်ခဲ့ကြသော်လည်း ယာဉ်မောင်းအမျိုးသားတစ်ဦးမှာ ဦးခေါင်းထိခိုက်ဒဏ်ရာဖြင့် နေရာတွင် သေဆုံးနေပြီဖြစ်ကာ ချောက်ထဲမှ ရုပ်အလောင်းအား သက်ဆိုင်ရာ တာဝန်ရှိသူများနှင့် ပူးပေါင်း၍ သယ်ယူခဲ့ကြောင်း သိရသည်။
၎င်းသေဆုံးသူ၏ ရုပ်အလောင်းအား စနစ်တကျ သယ်ဆောင်ခါ တာချီလိတ်ပြည်သူ့ဆေးရုံကြီး ရင်ခွဲရုံသို့ ဦးလှမိုး (တာချီလိတ်)လူမှုကူညီရေးအသင်းပိုင် သူနာတင်ယာဥ်ဖြင့် ပို့ဆောင်ပေးခဲ့ကြောင်း သိရသည်။
