၂၁. ၅. ၂၀၂၃
Written by Hey Mar
ရှမ်းပြည်နယ်မြောက်ပိုင်း၊ လားရှိုးမြို့ ရပ်ကွက်(၄)၊ ရေကန်တောင်မုခ်ဦးဘေး၊ နတ်စင်အနီးရှိတောအုပ်ထဲတွင် မေလ ၂၁ ရက် နံနက် ၉နာရီအချိန်ခန့်တွင် အမျိုးသားတစ်ဦး သေဆုံးနေသည်ကို တွေ့ရှိကူညီပေးခဲ့ရကြောင်း လားရှိုးမြို့အခြေစိုက်ပရဟိတအဖွဲ့မှ သိရသည်။
သေဆုံးသူမှာ(အမည်၊ နေရပ်)မသိရှိရသေးဘဲ ဓမ္မတာအတိုင်းသေဆုံးခြင်း ဟုတ် မဟုတ်ကို လားရှိုးမြို့ပေါ်ရှိ သက်ဆိုင်ရာ တာဝန်ရှိသူများမှ စုံစမ်းစစ်ဆေးပြီး လားရှိုးလူငယ်များပရဟိတအဖွဲ့မှ အသင်းပိုင် သူနာတင်ယာဥ်ဖြင့် လားရှိုးပြည်သူ့ဆေးရုံကြီး-အရေးပေါ်ဌာနသို့ ပို့ဆောင်ပေးခဲ့ပြီး ထိုမှတစ်ဆင့် ရင်ခွဲရုံသို့(PR-004)ဖြင့် ပို့ဆောင်ကူညီပေးခဲ့ကြောင်း သိရသည်။
သေဆုံးသူအား သိရှိပါက မိသားစုဝင်များထံသို့ အမြန်ဆုံး ဆက်သွယ်အကြောင်းကြားပေးနိုင်ပါရန်လည်း ပရဟိတအဖွဲ့မှ မေတ္တာရပ်ခံထားသည်။
