MT News
Written by Min Mahar
နေအိမ်၌ဆံသဆိုင်ဖွင့်ထားသောအမျိုးသားတစ်ဦးအား PDF အဖွဲ့ဝင် ၄ ဦးက ၎င်း၏နေအိမ်ဆိုင်ရှေ့တွင်ပင် ပါးစပ်အတွင်းသေနတ်ပြောင်းထည့်၍ ပစ်ခတ်သတ်ဖြတ်ခဲ့မှု လောင်းလုံးမြို့ နယ်တွင် ဧပြီလ ၂၄ ရက် မနက်ပိုင်းကဖြစ်ပွားခဲ့ကြောင်း ဒေသခံများထံမှ သိရသည်။
ဖြစ်စဉ်မှာ ဧပြီလ ၂၄ ရက် မနက် ၁၁ နာရီခန့်က တနင်္သာရီတိုင်းဒေသကြီး၊ ထားဝယ်ခရိုင်၊ လောင်းလုံးမြို့နယ်၊ ကမြောကြီးကျေးရွာအုပ်စု၊ ဆိပ်ပင်ကျေးရွာတွင်နေထိုင်သည့် နေအိမ်အတွင်း၌ ဆံသဆိုင်ဖွင့်ထားသော အသက် ၄၂ နှစ်အရွယ်အမျိုးသား ၎င်း၏ဆံပင်ညှပ်ဆိုင်၌ရှိနေစဥ်အတွင်း ဒေသခံ PDF အဖွဲ့ဝင် ၄ ဦးက ဆိုင်ကယ် ၂ စီးဖြင့်ရာက်ရှိလာပြီး ဆိုင်အတွင်းမှထွက်ခိုင်းကာ သေနတ်ဖြင့်ပါးစပ်အတွင်း ပြောင်းဝထည့်၍ ပစ်ခတ်သတ်ဖြတ်သွားပြီး ၎င်းတို့ PDF အဖွဲ့ဝင်များသည် ဆိပ်ပင်ကျေးရွာအနောက်တောင်ကြောဖက်သို့ ဆိုင်ကယ်ဖြင့် မောင်းနှင်ထွက်ပြေးသွားကြောင်း သိရသည်။
အဆိုပါသေနတ်ဖြင့်ပစ်ခတ်သတ်ဖြတ်မှုကြောင့် ၎င်းအမျိုးသားသည် ဦးခေါင်းပွင့်ထွက်သွားပြီး အခင်းဖြစ်နေရာတွင်ပင်သေဆုံးခဲ့သဖြင့် သေဆုံးသူ၏အလောင်းကို ဒေသခံနာရေးကူညီမှုအသင်းကားဖြင့် ထားဝယ်မြို့ဆေးရုံကြီးရှိ ရင်ခွဲရုံသို့ ပို့ဆောင်ခဲ့ကြောင်း သိရသည်။
အခင်းဖြစ်ပွားရာနေရာသို့ သက်ဆိုင်ရာလုံခြုံရေးတပ်ဖွဲ့ဝင်များရောက်ရှိလာကာ စစ်ဆေးမှုများပြုလုပ်ပြီးနောက် လိုက်လံပိတ်ဆို့၍ စုံစမ်းမှုများလည်းပြုလုပ်ခဲ့ကြောင်း လခနနှင့် နီးစပ်သူများထံမှ သိရသည်။
