MT News
Written by Thettant
မြန်မာ့ကယန်းလက်ဝှေ့မယ် ဘရော်နီကာနဲ့ အီတလီလက်ဝှေ့မယ် Ester Viola တို့ အီတလီနိုင်ငံမှာ ဧပြီ ၂၂ ရက်ညက ရင်ဆိုင်ကြတဲ့ ယှဉ်ပြိုင်ထိုးသတ်ပွဲမှာ ဘရော်နီကာ အနိုင်ရခဲ့ပါတယ်။
ကယန်းလူမျိုး မြန်မာလက်ဝှေ့မယ် ဘရော်နီကာဟာ သူမရဲ့ ၁၂ ကြိမ်မြောက် စိန်ခေါ်ပွဲအဖြစ် အီတလီလက်ဝှေ့မယ် Ester Viola နဲ့ ယှဉ်ပြိုင်ထိုးသတ်ရာမှာ သုံးချီအထိ တစ်ဖက်နဲ့တစ်ဖက် အလဲမထိုးနိုင်ခဲ့ပါဘူး။ ဒါပေမဲ့လည်း အစီးအသာနဲ့ အကောင်းဆုံးထိုးသတ်နိုင်တဲ့ ဘရော်နီကာက အီတလီ လက်ဝှေ့မယ်ကို သူ့မြေ သူ့နိုင်ငံအပေါ်မှာ အသာစီးနဲ့ထိုးသတ်နိုင်ခဲ့တာကြောင့် ဒိုင်လူကြီးတွေအကုန်လုံးရဲ့ အမှတ်ပေးမှုနဲ့ အနိုင်ရခဲ့တာလည်း ဖြစ်ပါတယ်။
ထိုင်းဘုရင့်ဖလားလက်ဝှေ့ပြိုင်ပွဲ ချန်ပီယံ ဘရော်နီကာအတွက် ဒီပွဲစဉ်ဟာ ပထမဆုံး နိုင်ငံတကာပြိုင်ပွဲပါ။ ဒီလိုပွဲမျိုးမှာ အိမ်ရှင်လက်ဝှေ့မယ်ကို သူ့နိုင်ငံ သူ့ပရိတ်သတ်ရှေ့အနိုင်ယူခဲ့တာဟာ ဘရော်နီကာအတွက် အမှတ်တရအဖြစ်ဆုံးပွဲဖြစ်လာမှာဖြစ်သလို သူမအတွက် ၁၁ ပွဲဆက်တိုက် အနိုင်ယူနိုင်ခြင်းလည်း ဖြစ်ခဲ့ပါတယ်။
Photo- Tiger Muay Thai
