၂၂. ၄. ၂၀၂၃
Written by Pan Ei
Vampire ရုပ်ရှင်ဆိုတာနဲ့ အရင်ဆုံးပြေးမြင်ကြမိလောက်မဲ့ Twilight ဟာဆိုရင် ၂၀၀၈ ခုနှစ်ကထွက်ရှိခဲ့ပြီး နာမည်ကြီး ကျော်ကြားခဲ့တဲ့ ရုပ်ရှင်ကောင်းတစ်ပုဒ်ဖြစ်ကာ အခုအခါမှာတော့ ဇာတ်လမ်းတွဲအဖြစ် ရိုက်ကူးထုတ်လွှင့်သွားတော့မှာဖြစ်တယ်လို့ သိရပါတယ်။
စာရေးဆရာမ Stephenie Meyer ရဲ့ ကမ္ဘာတစ်ဝန်းလုံးမှာ စာအုပ်အရေအတွက် သန်း ၁၀၀ ကျော်အထိ ထုတ်ဝေရောင်းချခဲ့ရတဲ့ Twilight ဝတ္တုကို အခြေခံပြီးရိုက်ကူးထားတဲ့ The Twilight Saga ဟာ ရုပ်ရှင်ကားဆက် ငါးကားအထိ ထွက်ရှိခဲ့ပြီးအတွဲညီညီသရုပ်ဆောင်ခဲ့ကြတဲ့ Robert Pattinson နဲ့ Kristen Stewart တို့ကြောင့်လည်း ပရိသတ်တွေ အချစ်ကိုအရယူနိုင်ခဲ့ပါတယ်။
Twilight ကို တီဗီစီရီးအဖြစ် Lionsgate TV မှ ပဏာမထုတ်လုပ်ခြင်းကို ရောက်ရှိနေပြီဖြစ်တယ်လို့ သိရပြီး အသေးစိတ်အချက်အလက်ကိုတော့ မသိရသေးပါဘူး။
နာမည်ကြီးရုပ်ရှင်၊ ဝတ္ထုတွေကို အခြေခံပြီးဇာတ်လမ်းတွဲအဖြစ် ပြန်လည်ရိုက်ကူးရိုက်ကူးဆန်းသစ်ထားကြရာတွေမှာ Twilight က ဒုတိယမြောက်ဖြစ်ပြီး မကြာသေးမီကလည်း ဟယ်ရီပေါ်တာဝတ္ထုတွေကို တီဗီ ဇာတ်လမ်းတွဲအဖြစ် ရိုက်ကူးထုတ်လွှင့်သွားမှာဖြစ်တယ်လို့ Warner Bros. Discovery ကကြေညာခဲ့ပါတယ်။
Ref; CNN
