၁၅. ၄. ၂၀၂၃
Written by Nay Moe
အဆိုတော် ယုန်လေးအား လုပ်ကြံနိုင်ပါက ကျပ်သိန်း ၂၅၀၀ ဆုချမည်ဟု NUG နှင့် PDF များအတွက် ရန်ပုံငွေရှာဖွေပေးမှုဖြင့် ရပ်တည်နေသည့် The PDF Game က လှုံ့ဆော်နေကို တွေ့ရှိရသည်။
မဟာသင်္ကြန်အကြတ်နေ့ ညနေ ၄ နာရီကျော်က The PDF Game Page တွင် အဆိုတော်ယုန်လေး၊ သရုပ်ဆောင်ပိုင်တံခွန်အပါအဝင် အနုပညာရှင် ၃၂ ဦး ဖျော်ဖြေနေသည့် မဏ္ဍပ်များကို ရေးသားထားပြီး ထိုအထဲမှ ၂ ဦးက အဆိုတော်ယုန်လေး၏ သွားလာမှုလမ်းကြောင်းများကို သတင်းပေးမည်ဟု ကမ်းလှမ်းထားမှုရရှိထားသည်ဟုလည်း အဆိုပါ Page အောက်ပါလင့်ခ်တွင် ဖော်ပြထားသည်ကို တွေ့ရှိရသည်။
အဆိုတော်ယုန်လေးအား လုပ်ကြံရှင်းလင်းလိုက်သည်ကို Email မှ ဗီဒီယိုဖိုင်သက်သေပို့ရမည်ဖြစ်ပြီး ထိုသို့ The PDF Game က ယုန်လေးအား လုပ်ကြံရန်ရေးသားထားသည့် ပို့စ်ကို ဒါရိုက်တာသည်ခေတ်နေ အပါအဝင် User ၁၉၀၀ ကျော်က မျှဝေထားပြီး အချိန် ၃ နာရီကျော်အတွင်း Like & React ပေးသူ ၁၂၀၀၀ ကျော်ရှိကာ ထောက်ခံအားပေးသည့် Comments ပေးသူ ၆၀၀ ကျော်ရှိနေပြီး ကလိုစေးထူးဟု လူသိများသူ Thu Rein Win အကောင့်ပိုင်ရှင်ကလည်း “ယုန်သားတကယ်စားရရင် ကျွန်တော်လည်း ၁၀ သိန်း ထည့်မယ်ဗျာ” ဟု မှတ်ချက်ပြုထားသည်။
