၁၂. ၄.၂၀၂၃
Written by Hey Mar
မွန်ပြည်နယ် ၊ သံဖြူဇရပ်-ရေးလမ်းမကြီး မော့ကနင်ရွာအပြင်တွင် ထွေလာဂျီတစ်စီးမှ လမ်းဘေး၌ ထိုင်နေသော အမျိုးသမီးတစ်ဦးအား ဝင်ရောက်တိုက်မိသည့်ဖြစ်စဥ်တစ်ခု ယနေ့ ဧပြီလ ၁၂ရက် နေ့လည်ပိုင်းက ဖြစ်ပွားခဲ့ကြောင်း ရေးအခြေစိုက် ရွှေင်္ဟသာလူမှုကူညီရေးအသင်းမှ သိရသည်။
ဖြစ်ပွားပုံမှာ ရွာလမ်းမအတိုင်းမောင်းနှင်လာသော ရာဘာဒုလုံးတင် ထွေလာဂျီယာဥ်တစ်စီးမှ တိုင်းရော့ပျက်သဖြင့် လမ်းချော်ထွက်ကာ လမ်းဘေးသစ်ပင်ရိပ်တွင် အပူဒဏ်ရှောင်ရင်း အရိပ်ခိုကာ ခရီးတစ်ထောက်နားနေသော အမျိုးသမီးတစ်ဦးကို ဝင်ရောက်တိုက်ခဲ့ခြင်းဖြစ်ကြောင်း သိရသည်။
ထွေလာဂျီယာဥ် အတိုက်ခံရမှုကြောင့် အမျိုးသမီးမှာ ဦးခေါင်းပေါက်ပြဲဒဏ်ရာနှင့် ပွန်းပဲ့ထိခိုက်ဒဏ်ရာများ ရရှိကာ စိုးရိမ်ရအခြေအနေရှိနေပြီး ရွှေဟင်္သာလူမှုကူညီရေးအသင်းမှ လူနာအား လိုအပ်သည်များပြုစုပေးကာ လမိုင်းဆေးရုံသို့ ပိုဆောင်ပေးခဲ့ကြောင်း သိရသည်။ (ဓာတ်ပုံ- ရွှေဟင်္သာလူမှုကူညီရေးအသင်း)
