၂၀.၃. ၂၀၂၃
Written By Thandar
ဇာတ်ညွန်း အကယ်ဒမီဇော်မြင့်ဦး ဒါရိုက်တာမောင်တင်ငြိမ်း(ရူမဝ)ရိုက်ကူးတင်ဆက်မယ့် “ယောကျာ်းကောင်း အတောင်နှစ်ဆယ်” ရုပ်ရှင်ဇာတ်ကားကြီးအတွက် သရုပ်ဆောင်သစ်တွေကို ခေါ်ယူနေပါတယ်။
ဒီရုပ်ရှင်ဇာတ်ကားကြီးမှာ ပါဝင်သရုပ်ဆောင်လိုသူတွေက သရုပ်ဆောင်ပိုင်းကို ဝါသနာပါသူဖြစ်ရမှာဖြစ်ပြီး ရွေးချယ်ခံရသူတွေကလည်း ဇာတ်ကားရိုက်ကူးရေးပြီးဆုံးတဲ့အထိ ပါဝင်ရမှာဖြစ်တဲ့အပြင် ရိုက်ကူးရေးအချိန်ဇယားအတိုင်း မပျက်မကွက်လာရောက်ပေးနိုင်သူတွေ ဖြစ်ရမယ်လို့ သိရပါတယ်။
သရုပ်ဆောင်ပိုင်းကို စိတ်ဝင်စားသူတွေက အမည်၊ အသက်၊ ဓာတ်ပုံနဲ့အတူ သတ်မှတ်ထားတဲ့ အချက်အလက်တွေကို ဖြည့်သွင်းပြီး မနက်ဖြန် မတ်လ ၂၁ ရက် နောက်ဆုံးထား လျှောက်ထားရမှာဖြစ်ပါတယ်။
ယောကျာ်းကောင်းအတောင်နှစ်ဆယ် ဇာတ်ကားအမည်ရှိတဲ့ လူမှုကွန်ရက်စာမျက်နှာ Page နဲ့ Messager အပြင် ဖုန်းနံပါတ် 09699999551 ကိုလည်း ဆက်သွယ်လျှောက်ထားနိုင်သလို လျှောက်ထားသူတွေကို လူတွေ့စစ်ဆေးမူကတော့ မိမိအစီအစဉ်နဲ့ လာရောက်ရမှာဖြစ်ပါတယ်။ ရွေးချယ်ခံရသူတွေကို Page က ပြန်လည်ကြေညာပေးမယ်လို့ သိရပါတယ်။
