MT News
တာမွေမြို့နယ် မေတ္တာညွန့်ရပ်ကွက် မာလာနွယ်လမ်းထဲက လေးခန်းတွဲ လေးထပ်တိုက်မှာ ယမန်နေ့ နေ့လည် ၁ နာရီ မိနစ် ၂၀ လောက်မှာ အပေါ်ဆုံးထပ်ကနေ စတင်မီးလောင်ခဲ့ပါတယ်။
ဌာနဆိုင်ရာအသေးစိတ်စုံစမ်းစစ်ဆေးချက်မသိရသေးပေမဲ့ ရပ်ကွက်နေထိုင်သူတွေကတော့ မီးပြတ်လို့ ဒီအတိုင်းဖွင့်ထားမိတဲ့ လျှပ်စစ်ပစ္စည်းတွေက မီးပြန်လာတဲ့အချိန် အပူလွန်ကဲပြီး လှိုက်လောင်တာလို့လည်း ပြောကြပါတယ်။
ဒီမီးလောင်မှုမှာ လေးထပ်တိုက် လေးလွှာအပေါ်ဆုံးထပ်ရဲ့အတွင်းဘက်မှု လှိုက်လောင်နေတာကြောင့် ငြှိမ်းသတ်ရခက်ခဲသလို အပူရှိန်ကြောင့် မှန်တွေကွဲထွက်ကုန်တာကြောင့်လည်း လုံခြုံရေးတာဝန်ရှိသူတွေက ဝိုင်းဝန်းကြည့်ရှုသူတွေကို မီးလောင်ပြင်နဲ့ဝေးရာ ရှောင်ရှားစေခဲ့ပါတယ်။
မီးလောင်မှုကြောင့် နေအိမ်နဲ့ပတ်ဝန်းကျင်ကပြည်သူတွေ ထိခိုက်မှုမရှိပေမဲ့ မီးသတ်တပ်ဖွဲ့ဝင်တစ်ဦး အသေးစားထိခိုက်ဒဏ်ရာရရှိခဲ့သလို နာရီဝက်နီးပါးငြှိမ်းသတ်ပြီးချိန်မှာတော့ မီးငြိမ်းနိုင်ခဲ့ပါတယ်။
