၉.၃.၂၀၂၃
Written by Thuta Zaw
ဂျာမနီတွင် ပြုလုပ်သည့် Yonex German Open 2023 ကြက်တောင်အားကစားပြိုင်ပွဲ၏ တစ်ဦးချင်းပြိုင်ပွဲတွင် တောင်ကိုရီးယားနိုင်ငံသူ ကစားသမားကို သက်ထားသူဇာ ရှုံးနိမ့်ခဲ့ကြောင်း အဆိုပါပြိုင်ပွဲ၏ အချက်အလက်များအရ သိရသည်။
ဂျာမနီနိုင်ငံ၊ Mulheim မြို့တွင် မတ်လ ၇ ရက်မှ ၁၂ ရက်အထိ ပြုလုပ်နေသော Yonex German Open 2023 တွင် သက်ထားသူဇာ ဝင်ရောက်ယှဉ်ပြိုင်နေခြင်းဖြစ်ပြီး လက်ရည်စစ်ပြိုင်ပွဲအဖြစ် ပြီးခဲ့သည့် မတ်လ ၇ ရက်က ဟန်ဂေရီနိုင်ငံသူ Agnes KOROSI နှင့် ယှဉ်ပြိုင်ခဲ့ရာတွင် ၂၁ မှတ် – ၉ မှတ်၊ ၂၁ မှတ် – ၁၉ မှတ်တို့ဖြင့် သက်ထားသူဇာက အနိုင်ရရှိခဲ့ပြီးနောက် ယခုပြိုင်ပွဲကို ဆက်လက်ယှဉ်ပြိုင်ခဲ့ရခြင်း ဖြစ်သည်။
သို့သော် မတ်လ ၈ ရက်တွင် တောင်ကိုရီးယားနိုင်ငံသူ KIM Gaeun နှင့် ဆက်လက်ယှဉ်ပြိုင်ရာတွင် ၂၁ မှတ် – ၉ မှတ်၊ ၂၁ မှတ် – ၁၁ မှတ်ဖြင့် ရှုံးနိမ့်ခဲ့ရခြင်း ဖြစ်ပြီး R 32 အဆင့်ဖြင့် ကျေနပ်ခဲ့ရခြင်းဖြစ်ကြောင်းလည်း သိရသည်။
သက်ထားသူဇာနှင့် ယခု နောက်ဆုံးယှဉ်ပြိုင်ခဲ့သူ KIM Gaeun သည် ကမ္ဘာ့အဆင့် ၂၁ ရှိသူဖြစ်ပြီး သက်ထားသူဇာမှာ ကမ္ဘာ့အဆင့် ၅၆ ရှိသူဖြစ်ကြောင်းလည်း ပြိုင်ပွဲမှ အချက်အလက်များအရ သိရသည်။