၇. ၃. ၂၀၂၃
Written by Thettant
မြန်မာသက္ကရာဇ် ၁၃၈၄ ခုနှစ်တွင် ကျရောက်မည့် မဟာသင်္ကြန် ရေသဘင်ပွဲတော် ရန်ကုန်မြို့တော်ဝန်မဏ္ဍပ်၌ ယိမ်းအကပြိုင်ပွဲများကို ယခင်နှစ်နည်းတူ ကျင်းပပြုလုပ်သွားမည်ဖြစ်ပြီး မတ်လ ၁၃ ရက်မှ စတင်စာရင်းပေးသွင်းနိုင်မည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီက ယနေ့တွင် အသိပေးထားသည်။
ယိမ်းပြိုင်ပွဲများကို ၁၂ ဦးယိမ်း (မူကြို ကျောင်းများ)၊ ၁၂ ဦးယိမ်း(ကျောင်းများ)၊ ၁၂ ဦး ယိမ်း (ရုံး/အခြားဌာနများ)၊ ၁၆ ဦး ယိမ်း (ကျောင်းများ)၊ ၁၆ ဦးယိမ်း (ရုံး/ အခြားဌာနများ)၊ ၂၀ ဦးယိမ်း (အလွတ်တန်း)၊ ၁၂ ဦးယိမ်း (ကျား) (အလွတ်တန်း)၊ တိုင်းရင်းသားရိုးရာယဉ်ကျေးမှုအကများ ဟူ၍ သီးခြားကျင်းပပေးမည်ဖြစ်သည်။
ပြိုင်ပွဲဝင်မည့်အသင်းများသည် မတ် ၁၃ ရက်မှစ၍ မတ် ၃၁ ရက်အထိ ရုံးချိန်အတွင်း ဗိုလ်တထောင်မြို့နယ် ၄၆ လမ်း (၁၂ ) ထပ်ရုံး ၁၀ လွှာရှိ ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန (ရေစီးရေလာစီမံခန့်ခွဲမှု) တွင် လာရောက် စာရင်းပေးသွင်းနိုင်ကြောင်း သိရသည်။
အသေးစိတ်သိလိုသော အချက်အလက်များကို ဗိုလ်တထောင်မြို့နယ် ၄၆ လမ်း (၁၂ ) ထပ်ရုံး ၁၀ လွှာရှိ အင်ဂျင်နီယာဌာန (ရေစီးရေလာစီမံခန့်ခွဲမှု) သို့ လူကိုယ်တိုင်ဖြစ်စေ၊ အတွင်းရေးမှူး၊ အကဲဖြတ် ဆပ်ကော်မတီ ဖုန်း ဝ၉-၅၁၀၃၂၈၇၊ တွဲဖက် အတွင်းရေးမှူး၊ အကဲဖြတ်ဆပ်ကော်မတီ ဖုန်း ၀၉ – ၅၀၂၇၉၉ဝ နှင့် အကဲဖြတ် ဆပ်ကော်မတီရုံးအဖွဲ့ ဖုန်း ၀၉-၄၂၀၁၅၂၃၃၉၊ ၀၉-၉၆၆၀၆၀၆၄၉ တို့သို့ ဆက်သွယ်စုံစမ်းနိုင်ကြောင်း သိရသည်။
