၁၈. ၂. ၂၀၂၃
Written by Pan Ei
နာမည်ကျော် ယောက်ျားလေးအဆိုတော်အဖွဲ့ One Direction ရဲ့ အဖွဲ့ဝင်ဟောင်းတစ်ယောက်ဖြစ်တဲ့ Naill Horan ဟာ သူ့ရဲ့ နောက်ဆုံးတစ်ကိုယ်တော်အယ်လ်ဘမ်ထွက်ရှိပြီး သုံးနှစ်အကြာမှာ အယ်လ်ဘမ်အသစ်ထုတ်ဝေတော့မယ့် အကြောင်းကို သူ့ရဲ့ အင်စတာဂရမ်အကောင့်ကနေတစ်ဆင့် ကြေညာခဲ့ပါတယ်။
Naill Horan ရဲ့ တတိယမြောက်တစ်ကိုယ်တော်အယ်လ်ဘမ်ဖြစ်တဲ့ ‘The Show’ ဟာ ဇွန်လ ၉ ရက်နေ့မှာ ထွက်ရှိမယ်လို့သိရပြီး “အယ်လ်ဘမ်အသစ်အကြောင်း ကြေညာရတာဟာ ပျော်ရွှင်ရပြီး ဒီအယ်လ်ဘမ်က ကျွန်တော်အရမ်းဂုဏ်ယူမိတဲ့ လက်ရာတစ်ခုဖြစ်တယ်” လို့ Naill Horan က ဆိုပါတယ်။
Naill Horan ရဲ့ ပွဲဦးထွက်အယ်လ်ဘမ် Flicker က ၂၀၁၇ ခုနှစ်မှာထွက်ရှိခဲ့တာဖြစ်ပြီး ၂၀၂၀ ခုနှစ်မှာတော့ ဒုတိယအယ်လ်ဘမ် Heartbreak Weather ထွက်ရှိခဲ့ပါတယ်။
ဒါ့အပြင် ပရိသတ်တွေကလည်း One Direction အဖွဲ့ဝင်ဟောင်းတစ်ဦးဖြစ်တဲ့ ဟယ်ရီစတိုင်ဟာ ‘The Show’ အယ်လ်ဘမ်မှာ တွဲဖက်အဆိုတော်အနေနဲ့ ပါဝင်လာနိုင်တယ်လို့ ခန့်မှန်းနေကြပြီး Naill Horan ရဲ့ အယ်လ်ဘမ်အသစ်ကို စောင့်မျှော်လျက်ရှိကြပါတယ်။
Ref; Yahoo
