MT News
တင်ဆက်/တည်းဖြတ် – ပန်းအိ/ဟေမာ
Netflix ကနေ ဖေဖော်ဝါရီလအတွက် ထွက်ရှိလာမဲ့ ကိုရီးယားရုပ်ရှင် “Unlocked” ဆိုတဲ့ ဇာတ်လမ်းထဲမှာ အဆိုတော်၊ မင်းသားချော Yim Si Wan, မင်းသမီး Chun Woo Hee နဲ့ မင်းသား Kim Hee Won တိုက အဓိက ဇာတ်ဆောင်တွေအနေနဲ့ ပါဝင်သရုပ်ဆောင်ထားကြပါတယ်။
“Unlocked” ကို ဒါရိုက်တာ Kim Tae Joon က ရိုက်ကူးဖန်တီးပေးထားတာဖြစ်ပြီး ဂျပန်ရုပ်ရှင် Stolen Identity နဲ့ လိုက်လျောညီထွေဖြစ်အောင် ရိုက်ကူးထားကာ သည်းထိပ်ရင်ဖို မှုခင်း ဒရမ်မာ အမျိုးအစားဖြစ်ပါတယ်။
ဒီဇာတ်လမ်းထဲမှာ မင်းသား Yim Si Wan ကို စက်ပစ္စည်း အင်ဂျင်နီယာ တစ်ယောက်အနေနဲ့ တွေ့မြင်ရမှာဖြစ်ပြီး မင်းသမီး Chun Woo Hee ကိုတော့ သာမန် ရုံးဝန်ထမ်းတစ်ဦးအနေနဲ့ တွေ့မြင်ရမှာဖြစ်တဲ့အပြင် “Unlocked” က မင်းသမီး Chun Woo Hee ရဲ့ ပထမဆုံး Netflix ရုပ်ရှင်လည်း ဖြစ်ပါတယ်။
ဒီဇာတ်လမ်းထဲမှာ Na Mi လိုခေါ်တဲ့ သွက်လက်တက်ကြွတဲ့ ဝန်ထမ်းမလေးတစ်ယောက်က အလုပ်ကနေ အိမ်အပြန်လမ်းမှာ သူမရဲ့ စမတ်ဖုန်း ကျပျောက်သွားခဲ့ပြီး ရက်ပိုင်းအတွင်းမှာပဲ သူမရဲ့ဖုန်းကို ပြန်လည်ရရှိခဲ့ပေမယ့် သူမရဲ့ဖုန်းကနေ တစ်ဆင့် အင်ဂျင်နီယာကောင်လေးတစ်ယောက်ဆီကနေ ဆိုက်ဘာတိုက်ခိုက်မှုတွေ ပြုလုပ်ခံရပြီး သူမရဲ့နေ့စဉ်ဘဝမှာ အနှောင့်ယှက်ခံရကာ ထူးဆန်းတာတွေလည်း ဖြစ်လာခဲ့ပါတယ်။
တစ်ဖက်မှာလည်း လူသတ်မှုတစ်ခုအကြောင်းကို စက်ပစ္စည်းအင်ဂျင်နီယာရဲ့ဖခင် စုံထောက်က စုံစမ်းနေစဉ် အမှုရဲ့ ကွင်းဆက်တွေက သူရဲ့သားဖြစ်သူဆီကိုဦးတည်နေပြီး Na Mi ရဲ့ ဖုန်းပျောက်သွားတဲ့ ဇာတ်လမ်းကနေ မှုခင်းတွေဆီ ဘယ်လိုတွေဆက်နွယ်နေပြီး ဘယ်လိုတွေဖြေရှင်းသွားကြမလဲဆိုတာတွေကို ရင်ခုန်စိတ်လှုပ်ရှားစွာနဲ့ ကြည့်ရှုနိုင်ဖို Netflix ကနေ ဖေဖော်ဝါရီလ ၁၇ ရက်နေ့မှာ ထုတ်လွှင့်တော့မယ့် “Unlocked” ကို MT News ပရိသတ်တွေအတွက် တင်ဆက်ပေးလိုက်ပါတယ်။
