၇. ၂. ၂၀၂၃
Written by Pan Ei
တောင်ကိုရီးယားနိုင်ငံရဲ့ ထိပ်တန်းစာရင်းဝင် အဆိုတော်၊ မင်းသား လီဆောင်ဂီဟာ သူရဲ့ ချစ်သူဖြစ်တဲ့ မင်းသမီး လီဒါအင်းနဲ့ လက်ထပ်တော့မှာဖြစ်တဲ့အကြောင်းကို သူ့ရဲ့အင်စတာဂရမ်အကောင့်ကနေတစ်ဆင့် ကြေညာခဲ့ပါတယ်။
ဖေဖော်ဝါရီ ၇ ရက်မှာ လီဆောင်ဂီရဲ့ အင်စတာဂရမ်အကောင့်ကနေ လက်ရေးနဲ့စာတစ်စောင်ကိုတင်ခဲ့ပြီး အဲဒီစာထဲမှာ “ဒီနေ့တော့ ကျွန်တော့်ဘဝရဲ့ အရေးကြီးဆုံး ဆုံးဖြတ်ချက်ကို အသိပေးချင်ပါတယ်။ ကျွန်တော်ချစ်ရတဲ့ Lee Da In နဲ့ ဘဝရဲ့ ကျန်ရှိတဲ့ အချိန်တွေကို စုံတွဲအနေနဲ့သာမကဘဲ ဇနီးမောင်နှံအဖြစ် ဖြတ်သန်းသွားဖို့ ဆုံးဖြတ်ခဲ့ပါတယ်။ ကျွန်တော်လက်ထပ်ခွင့်တောင်းတာကို သူမက လက်ခံလိုက်ပြီး မင်္ဂလာပွဲကို ဧပြီလ ၇ ရက်နေ့မှာ ကျင်းပမှာပါ။ သူမက နွေးထွေးတဲ့နှလုံးသားနဲ့ ချစ်ခြင်းမေတ္တာများစွာကို ပိုင်ဆိုင်ထားသူဖြစ်ပြီး သူမကို ကျွန်တော့ရဲ့ဘေးမှာ ထာဝရရှိနေစေချင်ပါတယ်” လို့ ရေးသားထားတဲ့ စာသားတွေ ပါဝင်ပါတယ်။
လီဆောင်ဂီနဲ့ လီဒါအင်းတို့ဟာ သူတို့ရဲ့ အချစ်ရေးကို ၂၀၂၁ ခုနှစ် မေလမှာ အတည်ပြုခဲ့တာဖြစ်ပြီး လီဒါအင်းဟာ Hwarang၊ Lovers၊ My Golden Life စတဲ့ နာမည်ကြီး ဇာတ်လမ်းတွဲတွေမှာ ပါဝင်သရုပ်ဆောင်ခဲ့ပါတယ်။
Ref; Soompi
