၂၅. ၁. ၂၀၂၃
Written By Thandar
တေးရေး၊ တေးဆို ပိုပိုကတော့ သူ့မရဲ့ ပရိသတ်တွေအတွက် “အလွမ်းရာသီ အလွမ်းသီချင်းများ” Tiny Concert ခေါင်းစဥ်လေးနဲ့ အွန်လိုင်းဖျော်ဖြေပွဲကို လာမယ့် ဇန်နဝါရီ ၂၈ ရက်မှာ ကျင်းပသွားမယ်လို့ သိရပါတယ်။
“ပိုခံစားနေရတဲ့ ခံစားချက်တွေကို ပို ပရိသတ်တွေဆီ အရောက်ပို့ပေးချင်နေတယ်။ ဆောင်းရာသီက သိပ်အေးတာပဲ။ ဖက်ထားပေးမယ့် ချစ်သူမရှိတဲ့ ပိုအတွက် ဆိုတဲ့သီချင်းတွေကလည်း အလွမ်းသီချင်းတွေ ဖြစ်နေလိမ့်မယ်။ ပရိသတ်ကြီးထဲမှာ အသဲကွဲနေသူတွေကော အရင်က ခံစားချက်လက်ကျန်အဟောင်းတွေ ရှိနေသေးရင်တော့ Po Po YouTube Channelမှာ Live လွှင့်မှာဖြစ်ပါတယ်။ အားပေးချင်သူများအနေနဲ့ YouTube ကို Subscribe လုပ်ထားဖို့ မမေ့ပါနဲ့နော်”လို့ အဆိုတော် ပိုပိုက ပြောပါတယ်။
“အလွမ်းရာသီ အလွမ်းသီချင်းများ” အမည်နဲ့ အွန်လိုင်းဖျော်ဖြေပွဲကို လာမဲ့ ဇန်နဝါရီ ၂၈ ရက်နေ့ ည ၇ နာရီမှာတော့ Po Po YouTube Channel ကတစ်ဆင့် Livestreaming ထုတ်လွှင့်သွားမှာ ဖြစ်ပါတယ်။
အဆိုပါ အွန်လိုင်းဖျော်ဖြေပွဲမှာ သီဆိုဖျော်ဖြေမယ့် တေးသီချင်း ၇ ပုဒ်ကို အနီးစပ်ဆုံးခန့်မှန်းနိုင်တဲ့ ပရိသတ်တွေကိုလည်း လက်ဆောင်တွေပေးဖို့ စီစဉ်ထားတယ်လို့လည်း သိရပါတယ်။ ဇန်နဝါရီ ၂၉ရက်နေ့မှာလည်း ည ၇ နာရီမှာတော့ Facebook ကနေ Repeat ပြန်လွှင့်ပေးမယ်လို့ သိရပါတယ်။
