MT News
Written By Thandar
အူရီဒူးမြန်မာရဲ့ “ချွင် ချွင် ချွင်” အစီအစဉ်က ရွှေ ၁၀ ကျပ်သား အထူးဆုကံထူးရှင် ၃ ဦး မဲနှိုက်ရွေးချယ်တဲ့ အခမ်းအနားကို ဇန်နဝါရီ ၂၀ ရက် ညနေပိုင်းက ရန်ကုန်မြို့ မြန်မာစင်တာ တာဝါ (၁) မှာရှိတဲ့ အူရီဒူးမြန်မာရုံးချုပ်မှာ ကျင်းပခဲ့ပါတယ်။
“အဲဒီလို ဆုရမယ်လို့ မမျှော်လင့်ထားပါဘူး။ တကယ်ဆုရတယ်ဆိုတော့ အရမ်းကို ဝမ်းသာပါတယ်။ အခုလို မဲပေါက်တော့ တော်တော်ကိုပျော်ပါတယ်။ ဒီထက်မက Ooredoo အောင်မြင်ပါစေလို့ “လို့ ရွှေ ၁၀သား အထူးဆုရှင် ကိုရဲထွန်းနိုင်က ပြောပါတယ်။
“ချွင် ချွင် ချွင်” အစီအစဉ်ကနေ ရွှေ ၁၀ သား အထူးဆုဖြစ်တဲ့ Winner ဆု ၃ ဆုရွေးချယ်ရာမှာ အစီအစဉ်တင်ဆက်သူတွေဖြစ်တဲ့ ကိုကောင်းထက်ဇော် နဲ့ Ma Sarah Wai တို့ကလည်း Facebook LIVE ကနေ ကံထူးရှင်တွေ ရွေးချယ်ပေးခဲ့ကြပါတယ်။
ကံထူးရှင်တွေကို မီဒီယာမိတ်ဆွေတွေရဲ့ ရှေ့မှောက်မှာ ဒစ်ဂျစ်တယ်စနစ်နဲ့ မဲနှိုက်ရွေးချယ်ခဲ့တာဖြစ်ပါတယ်။ ရွှေ ၁၀ ကျပ်သားကံထူးသူတွေကတော့ မော်လမြိုင်မြို့နယ်က ကိုရဲထွန်းနိုင်၊ ရန်ကုန်မြို့ မရမ်းကုန်းမြို့နယ်က ကိုမိုးဟိန်းကျော်နဲ့ ပုတီးကုန်းမြို့နယ်က မသန်းသန်းထွေးတို့က ရရှိခဲ့ပါတယ်။
၂၀၂၂ ခုနှစ် နိုဝင်ဘာ ၁ ရက်နေ့က “ချွင် ချွင် ချွင်” စတင်လုပ်ဆောင်ခဲ့ပြီး ၉၉၉ ကျပ်နဲ့အထက် အူရီဒူးဒေတာနဲ့ဖုန်းခေါ်ဆိုမူ ဝယ်ယူသူတိုင်း ကံစမ်းမဲ အစီအစဉ်ကာလမှာ အူရီဒူးမြန်မာက နေ့စဉ် ရွှေတစ်မတ်သား ရွှေဒင်္ဂါးဆုပေါင်း (၁၈၃) ဆုကိုပေးအပ်ခဲ့ပြီး အခု အထူးဆုကြီးအနေနဲ့ ရွှေ ၁၀ ကျပ်သား ဆုကြီး သုံးဆုကို ရွေးချယ်ပေးအပ်ခဲ့တာဖြစ်ပါတယ်။
